ଭୁବନେଶ୍ୱର– ବିଜେପି ମେଡିକାଲ ପ୍ରକୋଷ୍ଠ ଓ ଯୁବମୋର୍ଚ୍ଚା ରାଜ୍ୟ ସଂଯୋଜକ ଡା.କୈଳାଶ ବିଶ୍ୱାଳଙ୍କ ଧର୍ମପତ୍ନୀ ଶ୍ରୀମତୀ ତମନ୍ନା ବିଶ୍ୱାଳଙ୍କ ଅକାଳ ବିୟୋଗରେ ରାଜ୍ୟ ସଭାପତି ଶ୍ରୀ ସମୀର ମହାନ୍ତି ଏବଂ ବିରୋଧୀ ଦଳ ନେତା ଶ୍ରୀ ପ୍ରଦୀପ୍ତ କୁମାର ନାଏକ ଗଭୀର ଶୋକ ବ୍ୟକ୍ତ କରିବା ସହ ପ୍ରଭୁ ଶ୍ରୀ ଜଗନ୍ନାଥଙ୍କ ନିକଟରେ ପ୍ରାର୍ଥନା କରି ସ୍ୱର୍ଗତଃ ଆତ୍ମାର ସଦଗତି କାମନା କରିଛନ୍ତି ।
ଗତ କାଲି ରାତିରେ ସ୍ୱର୍ଗତାଃ ବିଶ୍ୱାଳ ହଠାତ୍ ଅସୁସ୍ଥତା ଅନୁଭବ କରିଥିଲେ । ହୃଦଘାତରେ ଆକ୍୍ରାନ୍ତ ହୋଇ ମାତ୍ର ୩୪ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ୨ଟି ଛୋଟ ଛୋଟ ଝିଅ ଅଛନ୍ତି । ଏଭଳି ଦୁଃଖଦ ସମୟରେ ପ୍ରଭୁ ଶ୍ରୀ ଜଗନ୍ନାଥ ଡା.କୈଳାଶ ବିଶ୍ୱାଳଙ୍କ ସମେତ ତାଙ୍କ ପରିବାରବର୍ଗଙ୍କୁ ଅସୀମ ଧର୍ଯ୍ୟ ଓ ସାହାସ ପ୍ରଦାନ କରିବାକୁ ଶ୍ରୀ ମହାନ୍ତି ଏବଂ ଶ୍ରୀ ନାଏକ ପ୍ରାର୍ଥନା କରିଛନ୍ତି ।
ରାଜ୍ୟ ବିଜେପିର ବରିଷ୍ଠ ଓ ପ୍ରମୁଖ ନେତୃବୃନ୍ଦମାନେ ଗଭୀର ଶୋକବ୍ୟକ୍ତ କରିବା ସହ ଡା.କୈଳାଶ ବିଶ୍ୱାଳଙ୍କ ପ୍ରତି ସମବେଦନା ଜ୍ଞାପନ କରିଛନ୍ତି ।
