ବ୍ରହ୍ମପୁର: ଓଡ଼ିଶାର ଅନ୍ୟତମ ଅଗ୍ରଣୀ ଶିକ୍ଷାନୁଷ୍ଠାନ ଏସ୍ଏମ୍ଆଇଟି ଗ୍ରୁପ୍ ଅଫ୍ ଇନିଷ୍ଟିଚ୍ୟୁଟର ହିଲ୍ପାଟଣାସ୍ଥିତ ବୃନ୍ଦାବନ ନାୟକ ମେମୋରିଏଲ ଆଇଟିସି ଓ ଅଙ୍କୁଶପୁରସ୍ଥିତ ଡିପ୍ଲୋମା ଇଞ୍ଜିନିୟରିଂ, ହିଞ୍ଜିଳିକାଟୁସ୍ଥିତ ଏସ୍ଏମ୍ଆଇଟି ଆଇଟିସିରେ ପ୍ରତିବର୍ଷ ଭଳି ଚଳିତ ବର୍ଷ ଶ୍ରୀ ବିଶ୍ୱକର୍ମାଙ୍କ ପୂଜା ପାଳିତ ହୋଇଯାଇଛି । ଅନୁଷ୍ଠାନର ସଭାପତି ଡ. ଭଗବାନ ଗନ୍ତାୟତ ସମସ୍ତ ଶିକ୍ଷାନୁଷ୍ଠାନର ଅଧ୍ୟକ୍ଷ, ଅଧ୍ୟକ୍ଷା, ଅଧ୍ୟାପକ, ଅଧ୍ୟାପିକା, ଶିକ୍ଷକ, ଶିକ୍ଷୟିତ୍ରୀଙ୍କ ଗ୍ରହଣରେ ବିଭିନ୍ନ ସ୍ଥାନରେ ପୁଷ୍ପାଞ୍ଜଳି ଅର୍ପଣ କରିଥିଲେ । ସମସ୍ତ ଅନୁଷ୍ଠାନରେ ପୂଜାପାଠ ଓ ପ୍ରସାଦ ସେବନ ସହ ମନୋରଞ୍ଜନ କାର୍ଯ୍ୟକ୍ରମର ଆୟୋଜନ କରାଯାଇଥିଲା ।
