ବ୍ରହ୍ମପୁର: ବ୍ରହ୍ମପୁର ପୋଲିସ ଜିଲ୍ଲାର ବିଭିନ୍ନ ଥାନାରେ କାର୍ଯ୍ୟରତ ଏସ୍ଆଇ ଓ ଏଏସ୍ଆଇଙ୍କ ମଧ୍ୟରେ ବ୍ରହ୍ମପୁର ଏସ୍ପି ପିନାକ ମିଶ୍ର ଅଦଳବଦଳ କରିଛନ୍ତି । ଜିଲ୍ଲା ପୋଲିସ ପକ୍ଷରୁ ବାହାରିଥିବା ବିଜ୍ଞପ୍ତି ପ୍ରକାରେ ୩ଜଣ ଏସ୍ଆଇଙ୍କ ବଦଳି ହୋଇଥିବା ବେଳେ ସେମାନଙ୍କ ମଧ୍ୟରେ ପୋଲିସ ମୁଖ୍ୟାଳୟରେ ଥିବା ଝୁନୁବାଳା ଶାସମଲକୁ ମହିଳା ଥାନା, ମହେନ୍ଦ୍ର ବେହେରାଙ୍କୁ ଗୋପାଳପୁର ଥାନା ସହ ମହିଳା ଥାନାରେ କାର୍ଯ୍ୟରତ ସବିତା କୁମାରୀ ପାଣିଗ୍ରାହୀଙ୍କୁ ସଦର ଥାନାକୁ ବଦଳି କରାଯାଇଛି । ସେହିପରି ୧୯ଜଣ ଏଏସ୍ଆଇଙ୍କ ମଧ୍ୟରେ ବଡବଜାର ଥାନାରେ ଥିବା ସନ୍ତୋଷ କୁମାର ମଲ୍ଲିକଙ୍କୁ ଏସ୍ଡିପିଓ ଟାଉନ୍, ବୈଦ୍ୟନାଥପୁରରେ ଥିବା ପିସିଏଚ୍ ରଥଙ୍କୁ ନିମଖଣ୍ଡି ଫାଣ୍ଡି, ସଦର କୋର୍ଟରେ ଥିବା ନିରଞ୍ଜନ ପଣ୍ଡାଙ୍କୁ ବଡବଜାର, ସଦର ଥାନାରେ ଥିବା ବିନିତ କୁମାର ଶତପଥୀଙ୍କୁ ନୂଆପଡା ଫାଣ୍ଡି ଓ ସୁରେଶ କୁମାର ସାହୁଙ୍କୁ ଜରଡା ଥାନା, ଟାଉନ୍ ଥାନାରେ ଥିବା ସନ୍ତୋଷ କୁମାର ପାଢ଼ୀଙ୍କୁ ଗୋଳନ୍ଥରା ଥାନା, ଟ୍ରାଫିକ୍ ଥାନାରେ ଥିବା ଆର୍.ଏନ୍ ଚୌଧୁରୀଙ୍କୁ ଦିଗପହଣ୍ଡି କୋର୍ଟ, ଦିଗପହଣ୍ଡି କୋର୍ଟରେ ଥିବା ଅମୂଲ୍ୟ ମିଶ୍ରଙ୍କୁ ଗୋଳନ୍ଥରା ଥାନା, ଗୋଳନ୍ଥରା ଥାନାରେ ଥିବା ପ୍ରକାଶ ଚନ୍ଦ୍ର ଦାସଙ୍କୁ ସଦର ଥାନା, ଗୋବିନ୍ଦ ମଲ୍ଲିକଙ୍କୁ ଦିଗପହଣ୍ଡି ଥାନା ସହ ଏ.କେ ମହାରଣାଙ୍କୁ ପିସିଆର୍କୁ ବଦଳି ହୋଇଛି । ଏସ୍ଡିପିଓ ଅଫିସ୍ରେ ଥିବା ତୁନିମା ଦେବୀଙ୍କୁ ବିଏନ୍ପୁର, ପୋଲିସ ମୁଖ୍ୟାଳୟରେ ଥିବା ଅଶୋକ କୁମାର ସାମନ୍ତଙ୍କୁ ପିସିଆର୍, ଏସ୍ଡିପିଓ ଚିକିଟି ଅଫିସ୍ରେ ଥିବା ରାମନାଥ ପାଢ଼ୀଙ୍କୁ ସଦର କୋର୍ଟ, ନିମଖଣ୍ଡି ଫାଣ୍ଡିରେ ଥିବା ଧୋବା ସ୍ୱାଇଁଙ୍କୁ ଏସ୍ଡିପିଓ ଅଫିସ୍ ଚିକିଟି, ନୂଆପଡା ଫାଣ୍ଡିରେ ଥିବା କ୍ଷୀରୋଦ ଚନ୍ଦ୍ର ବେହେରାଙ୍କୁ ଖାରିଆଗୁଡା ଫାଣ୍ଡି, ମୁଖ୍ୟାଳୟରେ ଥିବା ନରେସିଂହ ପ୍ରଧାନଙ୍କୁ ପିସିଆର୍, ଦିଗପହଣ୍ଡି ଥାନାରେ ଥିବା ଡି.ଲଛମେୟା ରେଡ୍ଡୀଙ୍କୁ ଟାଉନ୍ ଥାନା, ଗୋପାଳପୁର ଥାନାରେ ଥିବା ପୁରୁଷୋତ୍ତମ ପାଇକଙ୍କୁ ସଦର ଥାନାକୁ ବଦଳି ହୋଇଥିବା ଜଣାପଡିଛି ।
