ଗଞ୍ଜାମ– ଗଞ୍ଜାମ ଜିଲ୍ଲା ଶେରେଗଡ଼ ବ୍ଲକର ଚଷାପିତଳ ଗ୍ରାମର ଜଣେ ନାବାଳିକାକୁ ବଳିଦେବା ଉଦ୍ୟମ ଘଟଣାରେ ଆସିକା ପୋଲିସ ହିଞ୍ଜିଳିକାଟୁ ଥାନା ଅନ୍ତର୍ଗତ କୀର୍ତିପୁର ଗ୍ରାମର ସୁଦର୍ଶନ ସ୍ୱାଇଁ (୨୩)ଙ୍କୁ ଗିରଫ କରି କୋର୍ଟଚାଲାଣ କରିଛି । ଏହା ପୂର୍ବରୁ ଆସିକା ପୋଲିସ ଘଟଣାରେ ୩ ଜଣଙ୍କୁ ଗିରଫ କରିଛି । ପୋଲିସ ପକ୍ଷରୁ ତାନ୍ତ୍ରିକ ସମେତ ଘଟଣାରେ ସମ୍ପୃକ୍ତ ଆହୁରି ୪ ଜଣଙ୍କୁ ଗିରଫ ପାଇଁ ଉଦ୍ୟମ ଜାରୀ ରହିଥିବା ନେଇ ସୂଚନା ମିଳିଛି । ଖୁବ୍ ଶୀଘ୍ର ଅନ୍ୟ ସମସ୍ତ ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି ।
