ଗଞ୍ଜାମ– ଗତକାଲି ରାତିରେ ଓଡ଼ିଶା ଦେଇ ଝାଡ଼ଖଣ୍ଡ ତାମିଲନାଡ଼ୁ ଯାଉଥିବା ବସ୍ ନଂ ଟିଏନ୍ ୩୯ଏଏ-୫୨୬୬ କୁ ଆସିକା ପୋଲିସ ଜବତ କରିଛି । ଏହି ବସ୍ ରୁ ପ୍ରାୟ ୩୦ ଜଣ ନାବାଳିକା ଓ ଯୁବତୀଙ୍କୁ ପୋଲିସ ଉଦ୍ଧାର କରିଛି । ସେମାନେ ଝାଡ଼ଖଣ୍ଡରୁ ତାମିଲନାଡ଼ୁ କାମ କରିବାକୁ ଯାଉଥିଲେ ବୋଲି ଅନୁମାନ କରାଯାଉଛି । ତେବେ ଏହି ବସ୍ ର ଫିଟନେସ୍, ସର୍ଭିସ୍, ବୀମା ଆଦି ନଥିବା ଜଣାପଡିଛି । ବସ୍ ର ଡ଼୍ରାଇଭର ଓ ହେଲପରଙ୍କୁ ଥାନାରେ ଅଟକ ରଖି ପୋଲିସ ପଚରା ଉଚୁରା ଚଳାଇଥିବା ବେଳେ ଉଦ୍ଧାର ନାବାଳିକା ଓ ଯୁବତୀ ମାନଙ୍କୁ ଥଇଥାନର ବ୍ୟବସ୍ଥା କରାଯାଇଛି । ସେମାନଙ୍କ ପରିବାର ଲୋକେ ଆସିବା ପରେ ସେମାନଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ସୂତ୍ରରୁ ସୂଚନା ମିଳିଛି ।
