ଗଞ୍ଜାମ– କଟକଣା କୋହଳ ହୋଇଥିଲେ ମଧ୍ୟ ବ୍ରହ୍ମପୁର ଷ୍ଟେସନରେ ଟ୍ରେନ୍ ରହଣି ନେଇ କିଛି ସ୍ପଷ୍ଟ ସୂଚନା ଏଯାବତ୍ ମିଳିପାରିନାହିଁ । ଏପରି ସ୍ଥିତିରେ ଆଜି ଅପରାହ୍ନ ୫ଟାରେ ଏନଡ଼ିଏ ଓ ନାଭାଲ୍ ଏକାଡ଼େମୀ ପରୀକ୍ଷାର୍ଥୀଙ୍କୁ ନେଇ ବ୍ରହ୍ମପୁର – କଟକ ସ୍ୱତନ୍ତ୍ର ମେମୋ ଟ୍ରେନ୍ ବ୍ରହ୍ମପୁର ଷ୍ଟେସନରୁ ଛାଡିବ ବୋଲି ସୂଚନା ଦେଇଛନ୍ତି ବ୍ରହ୍ମପୁର ଆରପିଏଫ ଇନ୍ସପେକ୍ଟର ଦିଲ୍ଲୀପ କୁମାର । ଏହି ଟ୍ରେନ୍ ଛତ୍ରପୁର, ଖଲ୍ଲିକୋଟ, ଚିଲିକା, ବାଲୁଗାଁ, କାଳୁପଡ଼ା ଘାଟ, ଖୋର୍ଦ୍ଧା, ଭୁବନେଶ୍ୱର ଓ କଟକ ଷ୍ଟେସନରେ ରହଣି କରିବ । ୬ ତାରିଖ ସଂନ୍ଧ୍ୟାରେ ପୁଣି ଏହି ଟ୍ରେନ୍ ବ୍ରହ୍ମପୁର ଫେରିବ ।
