ଜୟପୁର- ଜୟପୁର ସରକାରୀ ଉଚ୍ଚ ବିଦ୍ୟାଳୟ ଠାରେ ବ୍ଲକ ସ୍ତରୀୟ ବିଜ୍ଞାନ ପାଠଚକ୍ର ଅନୁଷ୍ଟିତ ହୋଇଛି । ଏହି ପାଠଚକ୍ର ରେ ବିଚାରକ ଭାବେ ଅତୁଲ୍ୟ କୁମାର ପଟ୍ଟନାୟକ ଓ କିଶୋର ପଣ୍ଡା ଉପସ୍ଥିତ ଥିବାବେଳେ ବିଦ୍ୟାଳୟର ପ୍ରଧାନଶିକ୍ଷକ ସୁରେନ୍ଦ୍ର ପଟ୍ଟନାୟକ ସଭାପତିତ୍ୱ କରିଥିଲେ । ବ୍ଲକର ୧୮ଟି ବିଦ୍ୟାଳୟର ୧୮ ଜଣ ଛାତ୍ରୀ ଛାତ୍ର ଅଂଶ ଗ୍ରହଣ କରିଥିବାବେଳେ ୧୮ ଜଣ ସହାୟକ ଶିକ୍ଷକ ମଧ୍ୟ ଉପସ୍ଥିତ ଥିଲେ । ସରକାରୀ ଉଚ୍ଚ ବିଦ୍ୟାଳୟର ଛାତ୍ର ଜଗଦୀଶ ଚନ୍ଦ୍ର ସାହୁ ପ୍ରଥମ ସ୍ଥାନ ଅଧିକାରି କରିଥିବାବେଳେ ଜିଲା ସ୍ତରିୟ ପାଠଚକ୍ର କାର୍ଯ୍ୟକ୍ରମରେ ଅଂଶଗ୍ରହଣ କରିବା ନିମନ୍ତେ ଯୋଗ୍ୟ ବିବେଚିତ ହୋଇଛନ୍ତି । ଶିକ୍ଷକ ପ୍ରକାଶ ଚନ୍ଦ୍ର ପଟ୍ଟନାୟକଦିଲୀପ କୁମାର ପଣ୍ଡା, ଏମ୍ ଯୋଗେଶ୍ୱରଙ୍କ ସମେତ ଗୋପାଳ ମଣ୍ଡଳ, ଦେବେନ୍ଦ୍ର ପାଢୀ, ସୋମନାଥ ସାକିଆ, କଲ୍ୟାଣୀ ନାୟକ, ଦୁର୍ଗା ପ୍ରସାଦ ପାତ୍ର, କାର୍ଯ୍ୟକ୍ରମରେ ସହଯୋଗ କରିଥିଲେ ।
