କୈଳାଶ ଚନ୍ଦ୍ର ପଣ୍ଡା, ପୁରୀ,୩୧/୦୮/୨୦୨୦,ମାନ୍ୟବର ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ଶ୍ରୀ ସଞ୍ଜୟ ଦାସବର୍ମା ବନ୍ୟା ପରିଦର୍ଶନରେ ଜିଲ୍ଲା ଗସ୍ତରେ ଆସି ଆଜି ପୂର୍ବାହ୍ନ ୯.୩୦ ମିନିଟରେ କଣାସ ବ୍ଲକର ବନ୍ୟା ପ୍ରପୀଡିତ “ପାଣ୍ଡିଆକେରା ଗ୍ରାମପଞ୍ଚାୟତ ଅନ୍ତର୍ଗତ “ମାଟିଆପଡା ଗ୍ରାମ ପରିଦର୍ଶନ କରିଛନ୍ତି । ସ୍ଥାନୀୟ ଅଧିକାରୀ ମାନଙ୍କ ସହ ବନ୍ୟା ପରିସ୍ଥିତି ସମୀକ୍ଷା କରିବା ସହ ଶ୍ରୀଦାସବର୍ମା କଣାସ ବ୍ଲକର ବିଭିନ୍ନ ପ୍ରପିଡୀତ ଅଞ୍ଚଳ ପରିଦର୍ଶନ କରିଥିଲେ।
ପ୍ରଭାବିତ ବ୍ୟକ୍ତିମାନଙ୍କୁ ଅତ୍ୟାବଶ୍ୟକୀୟ ସ୍ବାସ୍ଥ୍ୟସେବା,ରିଲିଫ, ଏବଂ ସ୍ବଚ୍ଛ ପାନୀୟଜଳ ଯୋଗାଣ ନିମନ୍ତେ ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । ପରେ ଶ୍ରୀ ଦାସବର୍ମା “ପାଣ୍ଡିଆକେରା” ଗ୍ରାମପଞ୍ଚାୟତର ବିଭିନ୍ନ ସ୍ଥାନକୁ ଯାଇ ବନ୍ୟା ପରିସ୍ଥିତି ଅନୁଧ୍ୟାନ କରିଥିଲେ ଏବଂ ଚିଲିକାକୁ ପ୍ରବାହିତ ହେଉଥିବା ଦୟା,ରାଜୁଆ ଓ ଭାର୍ଗବୀ ନଦୀର ସଙ୍ଗମସ୍ତଳ “ବଡଗୋଠ” କୁ ଡଙ୍ଗାରେ ଗସ୍ତକରି ବନ୍ୟା ପରିସ୍ଥିତି ଓ ଡ୍ରେନେଜ ବ୍ୟବସ୍ଥାର ତଦାରଖ କରିଥିଲେ। ତାଙ୍କ ସହିତ କଣାସ ବ୍ଲକ ବି.ଡି.ଓ ଶ୍ରୀ ଲୋଚନ ଦାସ ଉପସ୍ଥିତ ଥିଲେ ।
