ଶ୍ରୀନଗର : ଜମ୍ମୁ କଶ୍ମୀରର ଶ୍ରୀନଗରରେ ଗତକାଲି ଠାରୁ ଆରମ୍ଭ ହୋଇଥିବା ଏନକାଉଣ୍ଟରରେ ପୁଣି ୨ ଜଣ ଆତଙ୍କବାଦୀ ନିହତ ହୋଇଛନ୍ତି । ଏଥି ସହିତ ନିହତ ହୋଇଥିବା ଆତଙ୍କବାଦୀଙ୍କ ସଂଖ୍ୟା ୩ରେ ପହଂଚିଛି । ଏହି ଏନକାଉଣ୍ଟରରେ ପୂର୍ବରୁ ପୋଲିସ ଏଏସଆଇ ବାବୁରାମ ସହିଦ ହୋଇଥିଲେ
ସୂଚନା ମିଳିବା ପରେ ପୋଲିସ ଓ ସିଆରପିଏଫ ଯବାନମାନେ ପନ୍ଥା ଛକରେ ପହଂଚି ଆତଙ୍କବାଦୀଙ୍କ ଉପରକୁ ଗୁଳି କରିଥିଲେ । ଘଟଣାସ୍ଥଳରେ ଜଣେ ଆତଙ୍କବାଦୀ ନିହତ ହୋଇଥିବା ବେଳେ ଆଜି ପୁଣି ୨ ଜଣ ଆତଙ୍କବାଦୀ ନିହତ ହୋଇଥିବା କଶ୍ମୀର ଜୋନ ପୋଲିସ ଗଣମାଧ୍ୟମ ସଂସ୍ଥାକୁ ସୂଚନା ଦେଇଛି । ରିପୋର୍ଟ ଲେଖାଯିବା ବେଳକୁ ସୁରକ୍ଷାବାହିନୀର ସର୍ଚ୍ଚ ଅପରେଶନ ଜାରି ରହିଛି ।
