ଗଞ୍ଜାମ– ଗତକାଲି ରାତି ପ୍ରାୟ ସାଢ଼େ ୯ଟା ସମୟରେ ଛତ୍ରପୁର କପିଳ ସାହିରୁ ଦୋକାନ ବନ୍ଦ କରି ଜନୈକ ସୁନା ବ୍ୟବସାୟୀ ଓ ତାଙ୍କ ପତ୍ନୀ ଘରକୁ ଫେରୁଥିବା ବେଳେ ରାସ୍ତାରେ ବାଇକ୍ ରେ ଆସିଥିବା ଦୁଇ ଜଣ ମୁଖାପିନ୍ଧା ଦୁର୍ବୃତ ଦମ୍ପତିଙ୍କ ଉପରକୁ ଲଙ୍କାଗୁଣ୍ଡ ଫିଙ୍ଗି ଲୁହା ରଡ଼ରେ ଆକ୍ରମଣ କରିବା ସହ ସେମାନଙ୍କ ନିକଟରୁ ୭୦୦ ଗ୍ରାମ୍ ସୁନା ଅଳଙ୍କାର ଓ ୨୦ କେଜି ରୂପା ଅଳଙ୍କାର ଏବଂ ନଗଦ ୧ ଲକ୍ଷ ଟଙ୍କା ଲୁଟି ନେଇଥିବା ଜଣାପଡିଛି । ଏହି ଦମ୍ପତି ହେଲେ ଶରତ ଚନ୍ଦ୍ର ସାହୁ ଓ ଲକ୍ଷ୍ମୀପ୍ରିୟା ସାହୁ । ଲୋକଙ୍କ ଠାରୁ ଖବର ପାଇ ଛତ୍ରପୁର ପୋଲିସ ଆହତ ଏହି ଦମ୍ପତିଙ୍କୁ ଛତ୍ରପୁର ଡ଼ାକ୍ତରଖାନାରେ ଚିକିତ୍ସା ପାଇଁ ଭର୍ତି କରିଛନ୍ତି । ପୋଲିସ ଘଟଣାର ଛାନଭିନ୍ ଚଳାଇଛି । ଏ ସମ୍ପର୍କରେ ଏକ ମାମଲା ମଧ୍ୟ ଛତ୍ରପୁର ଥାନାରେ ରୁଜ୍ଜୁ ହୋଇଛି ।
