ମାଲକାନଗିରି -ମାଲକାନଗିରି ଜିଲ୍ଲା କାଲିମେଳା ବ୍ଲକ ମୋଟୁ ଥାନା ଅଞ୍ଚଳରେ ସାପକାମୁଡାରେ ଜଣେ ମହିଳା ଜଣେ ପୁରୁଷଙ୍କର ମୃତ୍ୟୁ ହୋଇଛି । ମହାରାଜପାଲ୍ଲୀ ପଞ୍ଚାୟତ ଅନ୍ତର୍ଗତ ବିଲିଗୁଡା ଗ୍ରାମରେ ସାପକାମୁଡିଦେବା ଯୋଗୁଁ ସେହି ଗ୍ରାମର ରାମା କାଟାମଙ୍କ ପୁଅ ରାଜୁ କାଟାମଙ୍କ ମୃତ୍ୟୁ ହୋଇଯାଇଥିବା ଜଣାପଡ଼ିଛି !ପରେ ପରିବାର ଲୋକ ଦୁଖରେ ଭାଙ୍ଗିପଡିଛନ୍ତି।ସେହିପରି ମାନ୍ୟମକୋଣ୍ଡା ପଞ୍ଚାୟତର ଟଗୁରକୋଟା ଗ୍ରାମରେ ଘରେ ଶୋଇଥିବା ବେଳେ ଜଣେ ମହିଳାଙ୍କୁ ବିଷଧର ସାପକାମୁଡିବା ଫଳରେ ତାଙ୍କର ମୃତ୍ୟୁ ହୋଇଛି । ମୃତ ମହିଳା ଜଣଙ୍କ ହେଉଛନ୍ତି କୁରା ମୁତା ଙ୍କ ସ୍ତ୍ରୀ କୁରା ସିମେ ବୋଲି ଜଣାପଡିଛି !ପରିବାର ଲୋକ ସାପଟିକୁ ମାରିଦେଇ ଥିବା ଦେଖିବାକୁ ମିଳିଛି । ସିମେ ଙ୍କ ର ଜଣେ ୩ ବର୍ଷର ଝିଅ ଏବଂ ଜଣେ ୧୦ ଦିନ ର ଶିଶୁ ଥିବା ଜଣାପଡିଛି । ତାଙ୍କ ମୃତ୍ୟୁ ପରେ ଏହି ପିଲାମାନଙ୍କର କିପରି ଯତ୍ନ ନେବେ ସେହି ଚିନ୍ତାରେ ମୁତା ରହିଛନ୍ତି । ଏହି ୨ଟି ଘଟଣା ମୋଟୁ ଥାନା ଅନ୍ତର୍ଗତ ଯାଉଥିବା ବେଳେ ଏ ନେଇ ଥାନାରେ ୨ଟି ଅପମୃତ୍ୟୁ ମାମଲା ରୁଜୁ ହୋଇଛି । ଏହି ୨ ମୃତ ପରିବାର ଲୋକ ମାନଙ୍କୁ ସରକାରି ସାହାର୍ଯ୍ୟ ଯୋଗାଇଦେବାକୁ ଦାବି ହୋଇଛି ।ପ୍ରକାଶ ଥାଉକି ଗତ ଏକ ମାସ ମଧ୍ୟରେ କାଲିମେଳା ଓ ପଡିଆ ବ୍ଲକରେ ସାପ କାମୁଡ଼ାରେ ପ୍ରାୟ ୧ ୮ ଜଣ ଙ୍କ ମୁର୍ତ୍ୟୁ ହୋଇଛି !
