ଖୋର୍ଦ୍ଧା– ଖୋର୍ଦ୍ଧା ସଦର ଥାନା ଅନ୍ତର୍ଗତ ଦଳେଇପୁଟ ଗ୍ରାମରେ ଗତକାଲି ରାତିରେ ହୃଦାନନ୍ଦ ସ୍ୱାଇଁଙ୍କ ଘର ଉପରକୁ ପୁଣି ଥରେ ବୋମାମାଡ଼ ହୋଇଛି । ଦୁର୍ବୃତ ମାନେ ତାଙ୍କ ଘର ଉପରକୁ ଦୁଇଟି ବୋମା ଫିଙ୍ଗିଥିବା ଅଭିଯୋଗ ହୋଇଛି । ପୂର୍ବ ଶତୃତାକୁ କେନ୍ଦ୍ର କରି ଏହି ବୋମାମାଡ଼ ହୋଇଛି । ତେବେ ଏଥିରେ କେହି ମୃତାହତ ହୋଇନଥିବା ଜଣାପଡିଛି । ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ ଆରମ୍ଭ କରିଛି ।
ପ୍ରକାଶ ଥାଉ କି, ଗତ ୧୨ ତାରିଖ ରାତିରେ ମଧ୍ୟ ଅନୁରୂପ ଢ଼ଙ୍ଗରେ ଦୁର୍ବୃତ ମାନେ ତାଙ୍କ ଘର ଉପରକୁ ବୋମାମାଡ଼ କରିଥିଲେ । ତେବେ ପୂର୍ବ ଘଟଣାରେ ଏଯାଏଁ କାହାରିକୁ ଗିରଫ କରିନାହିଁ ସଦର ଥାନା ପୋଲିସ । ତେବେ ଗତ ରାତିର ବୋମାମାଡ଼ର ଦୃଶ୍ୟ ସିସିଟିଭି ରେ କଏଦ୍ ହୋଇଥିବା ଜଣାପଡିଛି । ଅନ୍ୟପକ୍ଷରେ ବାରମ୍ବାର ବୋମାମାଡ଼ ଘଟଣାରେ ଭୟଭିତ ହୃଦାନନ୍ଦଙ୍କ ପରିବାର ଲୋକେ ପୋଲିସ ନିକଟରେ ସେମାନଙ୍କ ଧନଜୀବନର ସୁରକ୍ଷା ଦାବି କରିଛନ୍ତି ।
