ମାଲକାନଗିରି-ଲଗାଣ ବର୍ଷା ରେ ମାଲକାନଗିରି ଜିଲ୍ଲା କାଲିମେଳା ବ୍ଲକ ର ବିଭିନ୍ନ ସ୍ଥାନରେ ବନ୍ୟା ପରିସ୍ଥିତି ଦେଖିବାକୁ ମିଳିଛି l ଏହି ବର୍ଷା ବନ୍ୟା ରେ ବହୁ ଲୋକଙ୍କର ଘର ଦ୍ୱାର ଭାଙ୍ଗି ନଷ୍ଟ ହୋଇଥିବା ଜଣାପଡ଼ିଛି l ସୂଚନା ଅନୁଯାଇ ବେଜାଙ୍ଗିୱାଡା ପଞ୍ଚାୟତର କୁରୁକୁଣ୍ଡି ଗ୍ରାମରେ କେତେ ଜଣ ଲୋକଙ୍କ ଘର ଭାଙ୍ଗି ଯାଇଥିବା ଜଣାପଡ଼ିଛି l ଏହା ଜାଣିବା ପରେ କାଲିମେଳା ତହସିଲ ପକ୍ଷରୁ ଉକ୍ତ ବ୍ୟକ୍ତି ପରିବାରକୁ ସାହାଯ୍ୟ ଯୋଗାଇ ଦିଆଯାଇଛି l ତହସିଲଦାର ଆଲୋକ କୁମାର ଅନୁଗୁଳିଆ ଉକ୍ତ କୁରୁକୁଣ୍ଡି ଗ୍ରାମକୁ ଯାଇ ସ୍ଥିତି ଉପରେ ଅନୁଧ୍ୟାନ କରିବା ସହ ଘର ଭାଙ୍ଗିଥିବା ଲୋକମାନଙ୍କୁ ପଲିଥିନ ପ୍ରଦାନ କରିଛନ୍ତି l ତହସିଲଦାର ଙ୍କ ସହ ବେଜାଙ୍ଗିୱାଡା ଆର ଆଇ ଜୟ କୁମାର ସାହୁ ଉପସ୍ଥିତ ରହି ଗ୍ରାମର ପାର୍ବତୀ ରାଜୁ ,ସୁଶିଳା ମଣ୍ଡଳ, ଅନସାୟା ରାଜୁ ଙ୍କ ସମେତ ଅନ୍ୟ ମାନଙ୍କୁ ପଲିଥିନ ଯୋଗାଇ ଦେଇଥିଲେ l ଏବଂ ଅନ୍ୟ ସରକାରୀ ସୁବିଧା ସୁଯୋଗ ଯୋଗାଇ ଦିଆଯିବ ବୋଲି ତହସିଲଦାର ସୂଚନା ଦେଇଥିଲେ l ଏଥିସହିତ ତହସିଲଦାର କାଲିମେଳା ବ୍ଲକ ର ଅନାନ୍ୟ ତଳିଆ ବନ୍ୟା ଅଞ୍ଚଳ ଗସ୍ତ କରି ସ୍ଥିତି ପରଖିଛନ୍ତି !
