ଭଞ୍ଜନଗର -ଭଞ୍ଜନଗର ସହର କୁ ସ୍ୱଚ୍ଛ ରଖିବାକୁ ଏନ୍.ଏ.ସି ତରଫରୁ ଉଦ୍ୟମ ଆରମ୍ଭ ହୋଇଛି l ବିଶେଷ କରି ବ୍ୟବସାୟୀ ମାନେ ଅଳିଆ ଆବର୍ଜନା କୁ ଏଣେ ତେଣେ ପକେଇବା ଦ୍ୱାରା ସୌନ୍ଦର୍ଯ୍ୟ ନଷ୍ଟ ହେବା ସହ ପରିବେଶ ମଧ୍ୟ ପ୍ରଦୂଷଣ ହେଉଛି l ତେଣୁ ସୋମବାର ଅପରାହ୍ନ ରେ ସହରର ସମସ୍ତ ବ୍ୟବସାୟୀ ମାନଙ୍କୁ ନେଇ ଏକ ସଚେତନତା
କାର୍ଯ୍ୟକ୍ରମ ର ଆୟୋଜନ ଏନ୍.ଏ.ସି ସମ୍ମିଳନୀ କକ୍ଷ ରେ ଅନୁଷ୍ଠିତ ହୋଇଥିଲା l ଏଥିରେ ଗୋଷ୍ଠୀ ସଂଯୋଜିକା ଅଞ୍ଜଳି ପଣ୍ଡା, ଏନ୍.ଏ.ସି ର କନିଷ୍ଠ ଯନ୍ତ୍ରୀ ସୁଶାନ୍ତ କୁମାର ସାହୁ, ପ୍ରେସ କ୍ଲବ ସଭାପତି ଲୋକନାଥ କର, ସାମ୍ବାଦିକ ଜୟକ୍ରିଷ୍ଣା ପଟ୍ଟନାୟକ, ସ୍ୱଚ୍ଛତା ନିରୀକ୍ଷକ ଅଶୋକ ଦଳବେହେରା, ଶିବରାମ ପ୍ରଧାନ, ଅଶୋକ ମହାପାତ୍ର ଉପସ୍ଥିତ ରହି ସ୍ୱଚ୍ଛତା ରକ୍ଷା ପାଇଁ ଡଷ୍ଟ ବିନ ର ବ୍ୟବହାର କରିବା ସହ ନିରୋଗ ରହିବା ପାଇଁ ପରିବେଶ କୁ ସୁସ୍ଥ ରଖିବା ଉପରେ ଗୁରୁତ୍ୱ ଦେଇଥିଲେ l ସମସ୍ତେ ଗାନ୍ଧୀ ଜୟନ୍ତୀ ଠାରୁ ନିଜ ଚାରିପଟେ ଥିବା ପରିବେଶ କୁ ସଫା ସୁତରା ରଖିବାକୁ ଶପଥ ଗ୍ରହଣ କରିଥିଲେ l
