ପାରଳାଖେମୁଣ୍ଡି– ପୁଣି ଥରେ ଅଲୋଡ଼ା ହୋଇପଡିଛି ନବଜାତ ଶିଶୁକନ୍ୟା । ବୁଦା ମଧ୍ୟରୁ ଏହି ନବଜାତ ଶିଶୁକନ୍ୟାକୁ ଉଦ୍ଧାର କରାଯାଇଛି । ଘଟଣା ଘଟିଛି ଗଜପତି ଜିଲ୍ଲା କାଶୀନଗର ବ୍ଲକ ଛ ମାଇଲ ଛକ ନିକଟରେ ।
ଆଜି ସକାଳେ ରାସ୍ତାରେ ଯାଉଥିବା କିଛି ଲୋକ ଶିଶୁକନ୍ୟାର କାନ୍ଦ ଶୁଣିବାକୁ ପାଇଥିଲେ । ସେମାନେ ଘଟଣାସ୍ଥଳରେ ପହଂଚି ଶିଶୁକନ୍ୟାଟି ବୁଦା ମଧ୍ୟରେ ପଡିଥିବା ଦେଖି ଘଟଣା ସମ୍ପର୍କରେ ସ୍ଥାନୀୟ ଲୋକ ଓ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ଏହି ନବଜାତ ଶିଶୁକନ୍ୟାକୁ ସୁରକ୍ଷିତ ଭାବେ ଉଦ୍ଧାର କରିବା ସହ ଚିକିତ୍ସା ନିମନ୍ତେ ମେଡ଼ିକାଲରେ ଭର୍ତି କରିଛି । ଶିଶୁକନ୍ୟାଟି ସୁସ୍ଥ ଥିବା ଜଣାପଡିଛି ।
