ବ୍ରହ୍ମପୁର : ଗୋଳନ୍ଥରା ଥାନା ଅନ୍ତର୍ଗତ ସୋରଳ ରେଲୱାଇ ଜଙ୍ଗସନ୍ ନିକଟରେ ଥିବା ଏକ ପଡିଆରେ ଜୁଆଡ୍ଡା ଚାଲିଥିବା ଖବରପାଇ ଗୋଳନ୍ଥରା ଥାନାଧିକାରୀ ବାବୁଲି ନାୟକ ସିନେମା ଷ୍ଟାଇଲ୍ରେ ପୋଲିସ ଫୋର୍ସ ଧରି ସେଠାରେ ଚଢ଼ାଉ କରିଥିଲେ । ଚଢ଼ାଉ ବେଳେ ୯ଜଣ ଜୁଆଡ୍ଡୀଙ୍କ ସହ ୫ଟି ମୋଟର ସାଇକେଲ୍ ଓ ନଗଦ ୧ଲକ୍ଷ ୮୦ହଜାର ଟଙ୍କା ସହ ତାସ ଜବତ କରିଥିଲେ । ଗିରଫ ଜୁଆଡ୍ଡିମାନେ ହେଲେ ଗିରିସୋଲା ଗ୍ରାମର ହନୁମନ୍ତ ରାଓ(୩୯), ବ୍ରହ୍ମପୁର ଗୁଡସ ରୋଡ୍ ସୋମନାଥନଗରର ସୁଶାନ୍ତ କୁମାର ସାହୁ(୩୨), କମାପଲ୍ଲୀ ବଡସାହିର ଅମିତ ରାଉଳ(୨୫), ଓଳାପୁର ମାଥା ସାହିର କେଶବ ବେହେରା(୩୮), ବ୍ରହ୍ମପୁର କୁଠାରୀମନ୍ଦିର ସାହିର ଇବୁ ଗୌଡ, ଅଯଧ୍ୟାନଗର ଚତୁର୍ଥ ଲାଇନ୍ର ରାଜେନ୍ଦ୍ର ଜେନା, ପଦ୍ମନାଭପୁର ବଡ ଡେରା ସାହିର କେ.ନରସିଂହ, ହାଇସିଂବୋର୍ଡ ପାର୍କ ସାହିର କେ.କ୍ରିଷ୍ଣା ରାଓ ଓ ଗିରିସୋଲା ଗ୍ରାମର ପି.ଜଗନ୍ନାଥଙ୍କୁ ଗିରଫ କରାଯାଇଛି । ଗୋଳନ୍ଥରା ଥାନା କେଶ୍ ନମ୍ବର ୨୧୧/୨୦ରେ ମାମଲା ରୁୂଜୁକରି ତଦନ୍ତ ଚାଲିଥିବା ସଦର ଏସ୍ଡିପିଓ ଜୟନ୍ତ ମହାପାତ୍ର ସୂଚନା ଦେଇଛନ୍ତି ।
