ଆମେ ଶ୍ରୀକ୍ଷେତ୍ରବାସୀ ଅନୁଷ୍ଠାନ ପକ୍ଷରୁ ଦାରୁ ଦିଅଁଙ୍କ ପାଇଁ ଗଛଟିଏ ଲଗାଇବା ପାଇଁ ଅନୁରୋଧ,

• “ଦାରୁ ଦିଅଁଙ୍କ ପାଇଁ ଗଛଟିଏ” ଶୀର୍ଷକ ଏକ ରାଜ୍ୟସ୍ତରୀୟ ଅନ୍‌ଲାଇନ୍ ଚିତ୍ରାଙ୍କନ ପ୍ରତିଯୋଗିତାର ଆୟୋଜନ,

କୈଳାଶ ଚନ୍ଦ୍ର ପଣ୍ଡା,
ପୁରୀ,ମଙ୍ଗଳବାର ପବିତ୍ର ଜନ୍ମାଷ୍ଟମୀ ଅବସରରେ “ଆମେ ଶ୍ରୀକ୍ଷେତ୍ରବାସୀ” ଅନୁଷ୍ଠାନ ପକ୍ଷରୁ ଶ୍ରୀମନ୍ଦିର ସିଂହଦ୍ୱାର ସମ୍ମୁଖ ରାଧାବଲ୍ଲଭ ମଠ ପ୍ରାଙ୍ଗଣରେ ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଯାଇଛି । ଉକ୍ତ ସମ୍ମିଳନୀରେ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ମାଧବ ପୂଜାପଣ୍ଡା ଓ ମାଧବ ମହାପାତ୍ରଙ୍କ ସମେତ ପ୍ରାପ୍ତନ ବ୍ୟାଙ୍କ ଅଧିକାରୀ ଶଙ୍କର ପଣ୍ଡା, ରଙ୍ଗଶାଳାର ନିର୍ଦ୍ଦେଶକ ବିକ୍ରମ କୁମାର ସାହୁ, ଶିଶୁ ସମାଚାର ସମ୍ପାଦକ ସୁକାନ୍ତ ପଣ୍ଡା ପ୍ରମୁଖ ଉପସ୍ଥିତ ରହି ଅନୁଷ୍ଠାନ ପକ୍ଷରୁ “ ଗଛ ଟିଏ ପାଇଁ ଦିନ ଟିଏ” କାର୍ଯ୍ୟକ୍ରମର ବିବରଣୀ ପ୍ରଦାନ କରିଥିଲେ । ଗତ ମହାବାତ୍ୟାରେ ଯେପରି ଶ୍ରୀକ୍ଷେତ୍ର ର ସବୁଜିମା ନଷ୍ଟ ହୋଇ ପ୍ରକୃତି ମା’କୁ ଦୁଃଖ ଦେଇଛି, ଆମେ କେବଳ ବ୍ୟାପକ ବୃକ୍ଷରୋପଣ ଦ୍ଵାରା ପ୍ରକୃତି ମା’ ଓଠରେ ପୁଣିଥରେ ହସ ଫୁଟାଇପାରିବା । ଏହି ବୃକ୍ଷରୋପଣ ନିମନ୍ତେ ପ୍ରତ୍ୟେକ ଜଗନ୍ନାଥପ୍ରେମୀ ମାନଙ୍କୁ ଏକାଠି କରିବା ଉଦ୍ଦେଶ୍ୟରେ ଅନୁଷ୍ଠାନ ପକ୍ଷରୁ “ଦାରୁ ଦିଅଁଙ୍କ ପାଇଁ ଗଛଟି କାର୍ଯ୍ୟକ୍ରମ ପୁରୀ ଜିଲ୍ଲା ର ବିଭିନ୍ନ ସ୍ଥାନରେ ଆୟୋଜନ କରାଯାଇଛି । ଏହି ସମ୍ମିଳନୀର ପ୍ରାରମ୍ଭରେ ପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦ କାମନା କରି ସମସ୍ତ ସଦସ୍ୟଙ୍କ ଦ୍ଵାରା ଶ୍ରୀମନ୍ଦିର ସିଂହଦ୍ଵାର ସମୁଖରେ ସମୂହ ଦୀପଦାନ କରାଯାଇଥିଲା । ଆଗାମୀ ଅଗଷ୍ଟ ମାସ ୧୪ ତାରିଖ ଶୁକ୍ରବାର ଦିନରେ “ଗଛ ଟିଏ ପାଇଁ ଦିନ ଟିଏ କାର୍ଯ୍ୟକ୍ରମ ମାଧ୍ୟମରେ ପୁରୀ ଜିଲ୍ଲା ସମେତ ସମଗ୍ର ଓଡ଼ିଶାର ବିଭିନ୍ନ ସ୍ଥାନରେ ବୃକ୍ଷରୋପଣ କରିବା ପାଇଁ ସମ୍ମଳନୀରେ ଆହ୍ବାନ ଦିଆଯାଇଥିଲା । ଏହି ପରିପ୍ରେକ୍ଷିରେ ପିଲାମାନଙ୍କ ମଧ୍ୟରେ ବୃକ୍ଷରୋପଣ ନିମନ୍ତେ ସଚେତନତା ସୃଷ୍ଟି ଲକ୍ଷ୍ୟ ନେଇ “ ଦାରୁ ଦିଅଁଙ୍କ ପାଇଁ ଗଛଟିଏ” ଶୀର୍ଷକ ଏକ ରାଜ୍ୟସ୍ତରୀୟ ଅନ୍‌ଲାଇନ୍ ଚିତ୍ରାଙ୍କନ ପ୍ରତିଯୋଗିତାର ଆୟୋଜନ କରାଯାଇଥିବା ବେଳେ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରାଯିବ ବୋଲି ସମ୍ମିଳନୀରେ ସୂଚନା ପ୍ରଦାନ କରାଯାଇଛି । ଯେଉଁମାନେ ଅଗଷ୍ଟ ୧୪ ତାରିଖ ଦିନ ଆମର ଏହି ଅଭିଯାନ ରେ ସାମିଲ ହେବେ ସେମାନେ ବୃକ୍ଷରୋପଣର ସମସ୍ତ ସୂଚନା ଆମ ଅନୁଷ୍ଠାନର Whats App No 9853766600 ରେ ପ୍ରଦାନ କରିବାକୁ ଅନୁଷ୍ଠାନର ସଦସ୍ୟମାନଙ୍କ ଦ୍ଵାରା ନିବେଦନ କରାଯାଇଛି । ଏହି ଅଭିଯାନକୁ ଆଗାମୀ ଦିନରେ ଆହୁରି ଯୋରଦାର କରାଯିବ ଯୋଜନା ରହିଥିବା ଆନ୍ତର୍ଜାତୀୟ ବାଲୁକା ଶିଳ୍ପୀ ମାନସ ସାହୁ ଓ ଆଇଜିବୀ ଦୀପକ କୁମାର ପଣ୍ଡା ପ୍ରମୁଖ ସୂଚନା ପ୍ରଦାନ କରିଛନ୍ତି । ଏହି ସମସ୍ତ କାର୍ଯ୍ୟକ୍ରମକୁ ଅନୁଷ୍ଠାନର ସଦସ୍ୟ ଶ୍ରୀପଦା ସାମନ୍ତରାୟ,, ସଦସ୍ୟ ବ୍ରଜ ସାହୁ, ପ୍ରୀତମ ରଂଜନ ଦାଶ, ଅମର କୁମାର ବାରିକ ପ୍ରମୁଖ ପରିଚାଳନାରେ ସହଯୋଗ ପ୍ରଦାନ କରିଥିଲେ । ଶେଷରେ ଅନୁଷ୍ଠାନର ସଦସ୍ୟ ସତ୍ୟ ନାରାୟଣ ସାହୁ ଉପସ୍ଥିତ ସମସ୍ତ ଅତିଥ୍ୟ ଓ ଗଣମାଧ୍ୟମ ପ୍ରତିନଧି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ପ୍ରତ୍ୟେକ ଜଗନ୍ନାଥପ୍ରେମୀ ଏହି ଦିନଟିରେ ଠାକୁରଙ୍କ ପାଇଁ ନିଜସ୍ୱ ଉଦ୍ୟମରେ ବୃକ୍ଷରୋପଣ କରିବାକୁ ଆହ୍ବାନ ଦେଉଛନ୍ତି । ଏଥି ସହ ୧୪ ତାରିଖ ଅଭିଯାନରେ ସାମିଲ ହୋଇଥିବା ସମସ୍ତ ଅନୁଷ୍ଠାନ କିମ୍ବା ବ୍ୟକ୍ତି ବିଶେଷଙ୍କ ମଧ୍ୟରୁ ୩୦ ଜଣଙ୍କୁ ଶ୍ରେଷ୍ଠ ବଛାଯାଇ ୧୫ ତାରିଖରେ ପୁରଷ୍କୃତ କରାଯିବାର ଯୋଜନା ରହିଥିବା ସଦସ୍ୟମାନେ ସୂଚନା ପ୍ରଦାନ କରିଛନ୍ତି ।