ମାଲକାନଗିରି– ମାଲକାନଗିରି ଜିଲ୍ଲା ପ୍ରଶାସନ ତରଫରୁ ପୌର ପରିଷଦରେ ସୋମବାର ଠାରୁ ଶୁକ୍ରବାର ପର୍ଯ୍ୟନ୍ତ ଦୋକାନ ଖୋଲିବା ନେଇ ଆଜି ନୂଆ ଗାଇଡ଼ଲାଇନ ଜାରି ହୋଇଛି । ତେବେ କେଉଁ ଦୋକାନ କେବେ ଖୋଲିବ ସେ ନେଇ ସ୍ପଷ୍ଟ କରିବା ସହ ଦୋକାନ ଗୁଡିକକୁ ୩ଟି ବର୍ଗରେ ଏ, ଵି, ସି ଭାବେ ବିଭକ୍ତ କରାଯାଇଛି । ସପ୍ତାହର ସୋମବାର ଓ ବୁଧବାର ଏ ଚିହ୍ନଟ ଥିବା ଦୋକାନ ଖୋଲିବ। ମଙ୍ଗଳବାର ଓ ଗୁରୁବାର ଵି ଚିହ୍ନଟ ହୋଇଥିବା ଦୋକାନ ଖୋଲିବା ନେଇ ସ୍ପଷ୍ଟ କରାଯାଇଛି। ସେହିପରି କାଟାଗୋରୀ ସି ରେ ଥିବା ଦୋକାନଗୁଡିକ ହିଁ ଶୁକ୍ରବାର ଖୋଲିବା ନେଇ ନିର୍ଦ୍ଦେଶ ଦିଆଯାଇଛି । ସକାଳ ୭ ଟାରୁ ଦିନ ୨ ଟା ପର୍ଯ୍ୟନ୍ତ ଦୋକାନ ଖୋଲା ରହିବ । ମାଲକାନଗିରି ପୌରପରିଷଦ ତରଫରୁ ଦୋକାନଗୁଡ଼ିକ ଏ, ଵି, ଓ ସି ରେ ଚିହ୍ନଟ କରିବା ପାଇଁ କୁହାଯାଇଛି । ସେହିପରି ଔଷଧ ଦୋକାନ ଗୁଡିକୁ ଏ ଓ ବି କେଟେଗୋରୀ କରାଯାଇଛି । ଏ ଦୋକାନ ଗୁଡିକ ଦିନେ ଛାଡି ଦିନେ ଖୋଲିବାକୁ ନିର୍ଦ୍ଦେଶ ରହିଛି । ସକାଳ ୭ ଟାରୁ ଦିନ ୩ ଟା ପର୍ଯ୍ୟନ୍ତ ଦୋକାନ ଖୋଲା ରହିବ । ଦୋକାନ ଖୋଲିବା ସମୟରେ କୋଭିଡ୍ ନିୟମ ମାନିବାକୁ ବାଧ୍ୟତାମୂଳକ କରାଯାଇଛି । ସାମାଜିକ ଦୂରତା ରକ୍ଷା କରିବା ସହ ମାସ୍କ ପିନ୍ଧିବା ଜରୁରୀ ବୋଲି କୁହାଯାଇଛି ।
