ବ୍ରହ୍ମପୁର: ବ୍ରହ୍ମପୁର ଧର୍ମନଗରସ୍ଥିତ ଶୁଭମ ସେଲିବ୍ରିସେନ ଠାରେ ରୋଟାରି କ୍ଲବ୍, ଗଞ୍ଜାମ ଚାମ୍ବର ଅଫ୍ କର୍ମସ, ଇନର ୱଇଲ କ୍ଲବ୍ ଅଫ୍ ବ୍ରହ୍ମପୁର, ଦା ଟେକ୍ସ ବାର ଏସୋସିଏଶନ, ଏଭିବିଡି ବ୍ରହ୍ମପୁର, ନୋବେଲ କର୍ଜ୍ଜ ବ୍ରହ୍ମପୁର ଓ ଆଇସିଏଆଇ ବ୍ରହ୍ମପୁର ବ୍ରାଞ୍ଚ ତରଫରୁ ମିଳିତ ଆନୁକୂଲ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ସାଂସଦ ଚନ୍ଦ୍ରଶେଖର ସାହୁ, ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା ଯୋଗଦେଇ ଏହି ରକ୍ତଦାନ ଶିବିରକୁ ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ରୋଟାରି କ୍ଲବ୍ର ସଭାପତି ପାର୍ଥ ସାରଥୀ, ସମ୍ପାଦକ ଆର୍.ଏଲ୍ ତରୁଣ, ଡାଏରେକ୍ଟର ଲଳିତ ମଙ୍ଗରାଜ, ଟେକ୍ସ ବାରର ସଭାପତି ରଞ୍ଜିତ ପାଢ଼ି, ଏଭିବିଡି ସଭାପତି ରମାକାନ୍ତ ରଥ, ଇନର ବିଲ୍ଲ କ୍ଲୁବର ସଭାପତି ବନ୍ଦିତା ତ୍ରିପାଠୀ, ଗଞ୍ଜାମ ଚେମ୍ବର ଅଫ୍ କମର୍ସର ସଭାପତି ଇପାରି ଶିବ ପ୍ରସାଦ, ଆଇସିଏଆଇ ବ୍ରହ୍ମପୁର ବ୍ରାଞ୍ଚ ଚେରମେନ୍ ଡିଏଲ୍ ନାରାୟଣ ପ୍ରମୁଖ ଉପସ୍ଥିତରହି ଏହି ରକ୍ତଦାନ ଶିବିରକୁ ପରିଚାଳନା କରିଥିଲେ । ଏହି ଅବସରରେ ୫୦ୟୁନିଟ୍ ରକ୍ତ ସଂଗ୍ରହ ହୋଇଥିବା ବେଳେ ୪ଦିନ ପର୍ଯ୍ୟନ୍ତ ଏହି ରକ୍ତଦାନ ଶିବିର ଅନୁଷ୍ଠିତ ହେବ ବୋଲି ରୋଟାରି କ୍ଲବ୍ର ଡାଏରେକ୍ଟର ଲଳିତ ମଙ୍ଗରାଜ ସୂଚନା ଦେଇଛନ୍ତି ।
