ଭୁବନେଶ୍ୱର – କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂହ ଆସନ୍ତାକାଲି ୪ଦିନିଆ ଓଡିଶା ଗସ୍ତରେ ଆସିବେ । ଓଡିଶା ଗସ୍ତ ବେଳେ ଶ୍ରୀ ସିଂହ କଂଗ୍ରେସ ଭବନ ଠାରେ ଅନୁÂିତ ହେବାକୁ ଥିବା ପ୍ରେରକ ମାନଙ୍କ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗ ଦେବେ । ସେହିପରି ଗାନ୍ଧି ଜୟନ୍ତୀରେ ଅନୁÂିତ ହେବାକୁ ଥିବା ପଦଯାତ୍ରାରେ ଯୋଗ ଦେବେ । ଅକ୍ଟୋବର ୨ ତାରିଖ ପୂର୍ବାହ୍ନରେ ଭୁବନେଶ୍ୱରରେ ଆୟୋଜିତ ପଦଯାତ୍ରାରେ ଯୋଗ ଦେବା ପରେ ଅପରାହ୍ନରେ ନିଶ୍ଚିନ୍ତକୋଇଲି ଯାଇ ଲୋକମାନଙ୍କ ଭେଟିବା ସହ ଦଳିତଙ୍କ ଘରେ ଭୋଜନ କରିବାର କାର୍ଯ୍ୟକ୍ରମ ରହିଛି । ୩ ତାରିଖରେ ବିଜେପୁର ଗସ୍ତରେ ଯାଇ ନିର୍ବାଚନୀ ସଭାରେ ଯୋଗ ଦେବା ସହ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ବୋଲି ଏଆଇସିସି ସମ୍ପାଦକ ଜି. ରୁଦ୍ରରାଜୁ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
