ନୂଆଦିଲ୍ଲୀ-ରକ୍ଷା ବନ୍ଧନ ଅବସରରେ ରାଷ୍ଟ୍ରପତି ରାମନାଥ କୋବିନ୍ଦ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ।
ସେ ଟ୍ୱିଟ କରି କହିଛନ୍ତି ଯେ ରକ୍ଷା ବନ୍ଧନ ଅବସରରେ ସମସ୍ତ ଦେଶବାସୀଙ୍କୁ ଅଭିନନ୍ଦନ । ରାକ୍ଷୀ ପ୍ରେମ ଓ ବିଶ୍ୱାସର ଏକ ଅତୁଟ ସୂତା ଯାହା ଭଉଣୀ ମାନଙ୍କୁ ଭାଇ ମାନଙ୍କ ସହ ଯୋଡି ଥାଏ । ଆସନ୍ତୁ ଆଜି ଆମେ ସମସ୍ତ ମହିଳା ମାନଙ୍କ ସମ୍ମାନ ଓ ସୁରକ୍ଷା ପାଇଁ ପ୍ରତିବଦ୍ଧ ହେବାର ସଂକଳ୍ପକୁ ଦୋହରାଇବା ।
ବିହାର ସିପିଆଇର ରାଜ୍ୟ ସମ୍ପାଦକ ସତ୍ୟନାରାୟଣ ସିହ୍ନାଙ୍କ କରୋନାରେ ପରଲୋକ
ପାଟନା। ଭାରତୀୟ କମ୍ୟୁନିଷ୍ଟ ପାର୍ଟୀର ବିହାର ରାଜ୍ୟ ସମ୍ପାଦକ ସତ୍ୟନାରାୟଣ ସିହ୍ନାଙ୍କ କରୋନାରେ ପୀଡିତ ହେବା ପରେ ପରଲୋକ ହୋଇ ଯାଇଛି । ପାଟନାସ୍ଥିତ ଏମ୍ସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ସେ ଗତ ୨୪ ଜୁଲାଇରୁ ଅସୁସ୍ଥ ହୋଇଥିଲେ ଓ ତା ପରେ ତାଙ୍କର ଚିକିତ୍ସା ଚାଲିଥିଲା । ମୃତ୍ୟୁ ବେଳକୁ ତାଙ୍କୁ ୭୬ ବର୍ଷ ବୟସ ହୋଇଥିଲା ।
