କୈଳାଶ ଚନ୍ଦ୍ର ପଣ୍ଡା, ପୁରୀ,୨୯ /୦୭ /୨୦୨୦,ସ୍ବର୍ଗଦ୍ବାର ପାଇବ ନୂଆ ରୂପ । ଶବଦାହ ପାଇଁ ଆସୁଥିବା ବନ୍ଧୁ ପରିଜନଙ୍କ ନିମନ୍ତେ ମିଳିବ ବିଶେଷ ସୁବିଧା ଓ ସେବା । ସ୍ବର୍ଗଦ୍ବାର ପୁନଃଉଦ୍ଧାର ସହ ଚତୁଃପାର୍ଶ୍ବରେ ହେବ ସୌନ୍ଦର୍ଯ୍ୟକରଣ । ଦେଖଣାହାରୀଙ୍କ ପାଇଁ ହେବ ଏକ ସୁନ୍ଦର ସ୍ଥାନ । ଜିଲ୍ଲପାଳ ଶ୍ରୀ ବଲଓ୍ବନ୍ତ ସିଂ ଆଜି ସ୍ବର୍ଗଦ୍ବାର ବୁଲି ଦେଖିବା ସହ ଜାରି ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି । ସିଙ୍ଗଲ ଓ୍ବିଣ୍ଡୋ ବ୍ୟବସ୍ଥା ମାଧ୍ୟମରେ ଗୋଟିଏ ସ୍ଥାନରେ ସମସ୍ତ ସୁବିଧା ଉପଲବ୍ଧ ହେବ । ଶବଦାହ ପାଇଁ ଆସୁଥିବା ବ୍ୟକ୍ତିମାନେ ଆତିଥେୟତା ପାଇ ଭଲ ଅନୁଭୂତି ନେଇ ଫେରିବେ ଏଥିପ୍ରତି ଦୃଷ୍ଟି ଦିଆଯିବ । ପେଶାଦାରମାନେ ସମସ୍ତ କାର୍ଯ୍ୟର ତଦାରଖ କରିବେ । ଏଥିପାଇଁ ସ୍ବତନ୍ତ୍ର ନିର୍ଦ୍ଦେଶାବଳୀ ଜାରି ହେବ । ପରେ ଗାନ୍ଧୀଘାଟରେ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଶବଦାହକ ମାନଙ୍କ ଏକ ବୈଠକ ଅନୁଷ୍ଠିତ ହୋଇଛି । ଏହି ଅବସରରେ ଅନ୍ୟମାନଙ୍କ ମଧ୍ୟରେ ପୁରୀ ପୌରସଂସ୍ଥା ନିର୍ବାହୀ ଅଧିକାରୀ ଶ୍ରୀ ବିଜୟ କୁମାର ଦାଶ,ଓଡିଶା ସେତୁ ନିର୍ମାଣ ନିଗମ ପୁରୀ ଡିଭିଜନର ବରିଷ୍ଠ ପ୍ରକଳ୍ପ ନିର୍ଦ୍ଧେଶକ ଶ୍ରୀ ପ୍ରଭାତ ପାଣିଗ୍ରାହୀ, ପରାମର୍ଶଦାତା ଶ୍ରୀ ସିଦ୍ଧାର୍ଥ ରାୟ ପ୍ରମୁଖ ଉପସ୍ଥିତ ଥିଲେ ।
