ବ୍ରହ୍ମପୁର: ରବିବାର ୨୧ତମ କାର୍ଗିଲ ବିଜୟ ଦିବସ ଅବସରରେ ବିଭିନ୍ନ ଜନସଚେତନ ସଙ୍ଗଠନ ପକ୍ଷରୁ ଶହୀଦ୍ଙ୍କୁ ପୁଷ୍ପମାଲ୍ୟ ଦିଆଯାଇଥିଲା । କୁକୁଡାଖଣ୍ଡି ବ୍ଲକ୍ ଜଗଦଲପୁରରେ ଥିବା ଶହୀଦ୍ ଶ୍ରୀନିବାସ ପାତ୍ରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଓ ଦୀପ ପ୍ରଜ୍ଜଳନ କରାଯାଇଥିଲା । ଭାରତର ସୈନିକଙ୍କ ପ୍ରତି ବିଶ୍ୱାସ ଓ ସମର୍ଥନ ଜଣାଇ ସୈନିକ ମାନଙ୍କ ବଳିଦାନକୁ ପ୍ରଶଂସା କରାଯାଇଥିଲା । ଶହୀଦ୍ଙ୍କ ଭିତରେ ଜଗଦଳପୁର ଶ୍ରୀନିବାସ ପାତ୍ରଙ୍କ ବଳିଦାନ ଗଞ୍ଜାମର ଗର୍ବ ବୋଲି ମତ ପ୍ରକାଶ ପାଇଥିଲା । ବିଜେପି ନେତା ରାମକୁମାର ପାତ୍ର, ମହନ୍ତ ଚିନ୍ମୟାନନ୍ଦ ଦାସ, କିରଣ କୁମାର ସାହୁ, ପ୍ରହଲ୍ଲାଦ ପାଣିଗ୍ରାହୀ, ଅଶୋକ ନିମାଇଙ୍କ ସମେତ ବହୁ ଜନସାଧାରଣ ଓ ଗ୍ରାମବାସୀ ଉପସ୍ଥିତରହି ଶହୀଦ୍ଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।
