ମାଲକାନଗିରି– ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳରେ ପୁଣି ପୁଲିସ – ମାଓବାଦୀ ମୁହାଁମୁହିଁ ହୋଇଥିବା ଜଣାପଡ଼ିଛି । ରବିବାର ସ୍ୱାଭିମାନ ଅଞ୍ଚଳର ପଣସପୁଟ ଅଞ୍ଚଳରେ ଗୁଳିବିନିମୟ ଚାଲୁ ରହିଛି । ମାଲକାନଗିରି ଏସଓଜି, ଡି ଭି ଏଫ ଓ ଆନ୍ଧ୍ର ଗ୍ରେହଣ୍ଡଙ୍କ ମିଳିତ ସର୍ଚ୍ଚ ଅପରେସନ ବେଳେ ମାଓବାଦୀଙ୍କ ସହ ମୁହାଁମୁହିଁ ହୋଇଥିଲା ଏବଂ ପରେ ଉଭୟଙ୍କ ମଧ୍ୟରେ ଗୁଳିବିନିମୟ ହୋଇଥିବା ସୂଚନା ମିଳିଛି । ଗତ ୧୬ ଜୁଲାଇରେ ମଧ୍ୟ ସ୍ୱାଭିମାନ ଅଞ୍ଚଳରେ ଗୁଳି ବିନିମୟ ହୋଇଥିବା ବେଳେ ପୁଲିସ ଦ୍ୱାରା ବ୍ୟପକ ମାଓ ସାମଗ୍ରୀ ଜବତ ହୋଇଥିଲା । ସେହି ଗୁଳି ବିନିମୟ ସମୟରେ ମାଓ ନେତା ଆର. କେ. ଓ ଆନ୍ଧୁରୁ ଖସି ପଳାଇଥିଲେ । ତେବେ ବର୍ତ୍ତମାନ ପୁଣି ପୁଲିସର ସର୍ଚ୍ଚ ଅପରେସନ ସହ ଏହି ଗୁଳି ବିନିମୟ ଜାରି ରହିଛି ।
