ଧର୍ମଶାଳା – କାଂଗଡ଼ା ଜିଲ୍ଲାରେ କରୋନାର ସଂକ୍ରମଣ ବଢ଼ିବାରେ ଲାଗିଛି । ଶନିବାର ବିଳମ୍ବିତ ରାତିରେ ଜିଲ୍ଲାରେ ୧୩ ନୂଆ କରୋନା ସଂକ୍ରମିତ ମାମଲା ଦୃଷ୍ଟିଗୋଚର ହୋଇଛି । ପ୍ରଥମେ ୪ ମାମଲା ସହିତ ୧୩ ନୂଆ ମାମଲାକୁ ମିଶାଇ ଗୋଟିଏ ଦିନରେ ଜିଲ୍ଲାରୁ ୧୭ ମାମଲା ସାମନାକୁ ଆସିଛି । ନୂଆ ମାମଲା କାଂଗଡ଼ା ତହସିଲ ଏରିଆରେ ଗୋଟିଏ ପରିବାରରୁ ୪ ସଦସ୍ୟ ସହିତ ୫ ସେନାର ଯବାନ କରୋନା ସଂକ୍ରମିତ ହୋଇଛନ୍ତି । ସେହିପରି ନୁରପୁର ତହସିଲ ଅଂଚଳର ରିଟ୍ ଗାଁର ଗୋଟିଏ ପରିବାରର ୩ ସଦସ୍ୟ ମଧ୍ୟ କରୋନା ପଜିଟିଭ ମିଳିଛି । ଜିଲ୍ଲାର କରୋନା ସଂକ୍ରମିତଙ୍କ ସଂଖ୍ୟା ଏବେ ୪୦୩ରେ ପହଂଚିଛି ।
ଗତ ରାତିରେ ଆସିଥିବା ମାମଲା ସଂକ୍ରମିତ ବ୍ୟକ୍ତିର ସମ୍ପର୍କରେ ଆସିଥିବା କାଂଗଡ଼ା ତହସିଲର କୁଲଥି ଗ୍ରାମର ଗୋଟିଏ ପରିବାରରୁ ୩୨ ବର୍ଷିୟ ମହିଳା, ୯ ବର୍ଷର ପୁତ୍ର ଏବଂ ୬ ବର୍ଷର କନ୍ୟା ସହିତ ୨୭ ବର୍ଷିୟ ଦେଓର ପଜିଟିଭ ଚିହ୍ନଟ ହୋଇଛନ୍ତି । ଏହି ଚାରିଜଣଙ୍କୁ କୋଭିଡ଼ କେୟାର ସେଂଟରକୁ ସ୍ଥାନାନ୍ତର କରାଯାଇଛି । ଏହା ବ୍ୟତୀତ ସେନାର ୫ ଯବାନଙ୍କ ମଧ୍ୟରୁ ୨୫ ବର୍ଷୀୟ ଯବାନକୁ ୟୋଲ ସେନାର ସଂଗରୋଧ କେନ୍ଦ୍ରରେ ରଖାଯାଇଛି । ସିକ୍କିମରୁ ଫେରିଥିବା ନେହରନପୁଖର ର ଦୁଇ ଜଣ ୨୯ ଓ ୩୮ ବର୍ଷୀୟ ଦୁଇ ଜଣ ଯବାନ, ଲେହରୁ ଆସିଥିବା ୩୧ ବର୍ଷିୟ ନେହନପୁଖରର ହାର ଗ୍ରାମର ଯବାନ ତଥା ନୋଏଡ଼ାରୁ ଫେରିଥିବା ଧର୍ମଶାଳାର ମନେଡ଼ ଗ୍ରାମର ୩୪ ବର୍ଷିୟ ଯବାନ ସାମିଲ ଅଛନ୍ତି । ସେନା ଯବାନ ମାନଙ୍କୁ ସେନା ହସ୍ପିଟାଲ ୟୋଲ ପଠାଇ ଦିଆଯାଇଛି ।
ଏହା ବ୍ୟତୀତ ହାଇଦ୍ରାବାଦରୁ ଫେରିଥିବା ନୁରପୁର ତହସିଲର ରିଟ ଗ୍ରାମର ୬୮ ବର୍ଷିୟ ବୃଦ୍ଧ ମହିଳା, ତାଙ୍କର ୩୧ ବର୍ଷୀୟ ବୋହୁ ତଥା ୬ ବର୍ଷର ନାତି ସାମିଲ ଅଛନ୍ତି । ପଲଟ୍ରି କାମ କରୁଥିବା ୪୦ ବର୍ଷିୟ ଏକ ବେପାରୀ ମଧ୍ୟ କରୋନା ପଜିଟିଭ ଚିହ୍ନଟ ହୋଇଛି । ୧୦ ଦିନ ପୂର୍ବରୁ ସେ ପଠାନକୋଟ ଯାଇଥିଲେ । ଏବେ ତାଙ୍କର ପଜିଟିଭ ମିଳିଛି । ଏମାନଙ୍କୁ କୋଭିଡ଼ କେୟାର ସେଂଟରକୁ ପଠାଇ ଦିଆଯାଇଛି ।
ଶନିବାର ବିଳମ୍ବିତ ରାତିରେ ଜିଲ୍ଲାରେ ଜଣେ କରୋନା ସଂକ୍ରମିତ ବ୍ୟକ୍ତିର ରିପୋର୍ଟ ନେଗେଟିଭ ଆସିଛି । ଦେହରା ତହସିଲର ପନିୟାଲ ଗ୍ରାମର ୩୯ ବର୍ଷିୟ ସେନାର ଯବାନ ଯିଏକି ୟୋଲ ହସ୍ପିଟାଲରେ ଚିକିତ୍ସିତ ଥିଲେ, ଘରକୁ ଫେରିଛନ୍ତି । ଏବେ ଘରେ ତାଙ୍କୁ ୭ ଦିନ ପାଇଁ ଘରୋଇ ଏକାନ୍ତବାସରେ ରହିବାକୁ ହେବ । ଜିଲ୍ଲାରେ ନୂଆ ମାମଲା ସହିତ କରୋନା ସଂକ୍ରମିତଙ୍କ ସଂଖ୍ୟା ୪୦୩ ରେ ପହଂଚିଛି । ଜିଲ୍ଲାରେ ଏବେ ସୁଦ୍ଧା ୩୦୮ କରୋନା ରୋଗୀ ସୁସ୍ଥ ହୋଇଛନ୍ତି । ଏବେ ସୁଦ୍ଧା ୯୨ ଜଣ ସକ୍ରିୟ ରୋଗୀ ଅଛନ୍ତି ଏବଂ ୩ ଜଣଙ୍କର ମୃତ୍ୟୁ ହୋଇଛି ।
