ନୂଆପଡା– ନୂଆପଡା ଜିଲ୍ଲା ଖଡିଆଳ ସହରର ପଟୁପଡା ଠାରେ ଥିବା ଓଡିଶୀ ଆକ୍ୱା ନାମକ ପାଣି କାରଖାନାରେ ଚୋରୀ ଘଟଣାରେ ଖଡିଆଳ ପୁଲିସ ଜଣେ ଚୋରଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଚୋର ଜଣକ ହେଲେ ଖଡିଆଳ ସହରର ମନୋରଞ୍ଜନ ସରାଫଚ ବୋଲି ଜଣାପଡିଛି । ତାଙ୍କ ଠାରୁ ପୁଲିସ ୭୫୦୦ ଟଙ୍କା ସହ ଚୋରୀ ବେଳେ ବ୍ୟବହୃତ ଲୁହାରଡକୁ ପୁଲିସ ଜବତ କରିଛି । ଏହା ସହ ଏହି ଚୋରୀ ଘଟଣାରେ ସଂପୃକ୍ତ ଅନ୍ୟ ଚୋର ମାନଙ୍କୁ ମଧ୍ୟ ଅତିଶିଘ୍ର ଗିରଫ କରାଯିବ ବୋଲି ଥାନାଧିକାରୀ କୈଳାସ ଚନ୍ଦ୍ର ସେଠୀ ସୂଚନା ଦେଇଛନ୍ତି । ସୂଚନମତେ ଖଡିଆଳ ସହରର ପୁଟୁପଡା ଠାରେ ଥିବା ଓଡିଶୀ ଆକ୍ୱାରେ ଗତ ୨୧ ତାରିଖ ରାତ୍ରରେ କବାଟ ଫାଡି ଚୋରୀ ହୋଇଥିବା ନେଇ ମାଲିକ ଅମନ ସିଂଘଲ ଖଡିଆଳ ଥାନାରେ ଅଭିଯୋଗ କରିଥିଲେ । ଅଭିଯୋଗରେ ସିସିଟିଭି କ୍ୟାମେରାର ହାର୍ଡଡିକ୍ସ, ୬୫ ହଜାର ଟଙ୍କା ସହ ଅନ୍ୟାନ୍ୟ ସାମଗ୍ରୀ ଚୋରୀ କରି ନେଇଥିବା ଦର୍ଶାଇଥିଲେ । ଏହି ଚୋରୀ ଘଟଣାକୁ ନେଇ ଖଡିଆଳ ପୁଲିସ ସଂନ୍ଧାନୀ କୁକୁର ଓ ସାଇନଟିଫିକ ସହାୟତାରେ ତଦନ୍ତ ଆରମ୍ଭ କରିଥିଲା ।
