କୋରେଇ– ୧୬ ନମ୍ବର ଜାତୀୟ ରାଜପଥର ପାଣିକୋଇଲି ଥାନା ଅନ୍ତର୍ଗତ ସଠିପୁର ପଥପ୍ରାନ୍ତ ସୁବିଧା କେନ୍ଦ୍ର ନିକଟରେ ସଡ଼କ ଦୁର୍ଘଟଣାରେ ଜଣଙ୍କର ମୃତୁ୍ୟ ଘଟିଛି । ମୃତ ବ୍ୟକ୍ତିର କୌଣସି ପରିଚୟ ମିଳିନଥିବା ବେଳେ ଯେଉଁ ଗାଡ଼ି ଧକ୍କା କରି ଯାଇଛି ତାର ବି କୌଣସି ସୂଚନା ମିଳିନାହିଁ । ମୃତ ବ୍ୟକ୍ତି ଜଣକ ବୟସ୍କ ହୋଇଥିବା ବେଳେ ତାଙ୍କର ମୁହଁରେ ଧଳା ଦାଢ଼ି ଥବବା ଦେଖିବାକୁ ମିଳିଛି । ପାଣିକୋଇଲି ପୁଲିସ ଘଟଣାସ୍ଥଳରେ ପହଂଚି ପଂଚନାମା କରାଇ ଶବ ବ୍ୟବଚ୍ଛେଦ କରାଇଛି । ଏ ନେଇ ଏକ ଅପମୃତୁ୍ୟ ମାମଲା ରୁଜୁ କରାଯାଇଛି । ଏହି ଅଜଣା ବ୍ୟକ୍ତି ସମ୍ପର୍କରେ କେହି ସୂଚନା ପାଇଲେ ପାଣିକୋଇଲି ଥାନାକୁ ଜଣାଇବାକୁ ପୋଲିସ ସୂଚନା ଦେଇଛି ।
