ପଟ୍ଟାମୁଣ୍ଡାଇ– ଜଣାଶୁଣା ପାଲା ଗାୟକ ତଥା ରାମକୃର୍ଷ୍ଣ କଥାବାଚକ ପଣ୍ଡିତ ଗୟାଚାନ୍ଦ ପାଣିଙ୍କ ନସିପୁରସ୍ଥ ବାସଭବନରେ ପରଲୋକ ହୋଇଯାଇଛି । ତାଙ୍କୁ ୮୭ ବର୍ଷ ବୟସ ହୋଇଥିଲା । ଦୀର୍ଘ ୫୦ବର୍ଷ ଧରି ମୂଳବସନ୍ତ ଗୀତା-ଭାଗବତ-ରାମାୟଣ ପ୍ରଚାର ସମିତିର ସେ ଥିଲେ ପ୍ରତିଷ୍ଠାତା ସଭାପତି । ପଟ୍ଟାମୁଣ୍ଡାଇ ଗୀତାଚାରଣ ସମିତି ସମେତ କେନ୍ଦ୍ରାପଡା ଜିଲ୍ଲାର ବହୁ ଆଧ୍ୟାତ୍ମିକ ଅନୁଷ୍ଠାନ ସହିତ ସେ ଜଡିତ ଥିଲେ । ତାଙ୍କରି ବିୟୋଗରେ ପଟ୍ଟାମୁଣ୍ଡାଇ ଅଚଂଳରେ ବହୁ ବିଶିଷ୍ଟ ବ୍ୟକ୍ତି ଶୋକବ୍ୟକ୍ତ କରିଛନ୍ତି । ତାଙ୍କ ମଧ୍ୟମ ପୁତ୍ର ତଥା ଗଡମେକର ପ୍ରତିଷ୍ଠାତା ସଭାପତି ସଭାପତି ଗୀତିକବି ସୁଶାନ୍ତ କୁମାର ପାଣି ମୁଖାଗ୍ନି ଦେଇ ଥିବାବେଳେ ଅନ୍ୟ ଦୁଇ ପୁତ୍ର ଶ୍ରୀକାନ୍ତ ପାଣି ଓ ଶ୍ରୀମନ୍ତ ପାଣିଙ୍କ ସମେତ ପରିବାର ଓ ଜ୍ଞାତିଜନ ମୃତ୍ୟୁଶଯ୍ୟା ନିକଟରେ ଉପସ୍ଥିତ ଥିଲେ ।
