ଭଦ୍ରକ– ଧାମରା ଥାନାର ସେକେଣ୍ଡ ଅଫିସର ପ୍ରିୟଦର୍ଶନୀ ସେଠୀ ଗତକାଲି ଧାମରା ବସଷ୍ଟାଣ୍ଡରେ ଥିବା ଏକ ଦୋକାନରୁ ବିପୁଳ ପରିମାଣରେ ଚୋରା ମଦ ଜବତ କରିଛନ୍ତି। ଗତକାଲି ବିଳମ୍ବିତ ରାତିରେ ଜାଗୁଳା ଗ୍ରାମର ୨ଜଣ ଯୁବକ ଏକ ଦୋକାନରେ ଚୋରା ମଦ ବେପାର କରୁଥିବା ଖବର ଧାମରା ପୁଲିସ ପାଇ ସେହି ଦୋକାନ ଉପରେ ଅତର୍କିତ ଚଢାଉ କରିଥିଲେ। ସେହି ଦୋକାନରୁ ଧାମରା ପୁଲିସ ବିପୁଳ ପରିମାଣରେ ମଦ ଜବତ କରିବା ସହ ବେପାରରେ ଜଡିତ ଥିବା ୨ଯୁବକଙ୍କୁ ଥାନାକୁ ନେଇ ଯାଇଥିଲେ।ଏ ନେଇ ଧାମରା ଥାନାରେ ୩୩/୨୦ରେ ଏକ କେଶ ରୁଜୁ କରାଯାଇଛି।ଅନ୍ୟ ପକ୍ଷରେ ବିଳମ୍ବିତ ରାତିରେ ଆସାମୀ ୨ଜଣଙ୍କୁ ଛାଡି ଦେଇଥିବା ବେଳେ କେଉଁ ପରିସ୍ଥିତିରେ ଏହି ଯୁବକ ମାନଙ୍କୁ ଛଡାଗଲା ସେ ନେଇ ସାଧାରଣରେ ଚର୍ଚା ଚାଲିଛି।
