କୈଳାଶ ଚନ୍ଦ୍ର ପଣ୍ଡା, ପୁରୀ ୨୩/0୭/୨0୨0, ପୁରୀ ଗୋବର୍ଦ୍ଧନ ପୀଠକୁ ଭକ୍ତମାନଙ୍କ ଆଗମନକୁ ଦୃଷ୍ଟିରେ ରଖି ଏଠାରେ ଏକ ସାନିଟାଇଜର ମେସିନ ସଂସ୍ଥାପନ କରାଯାଇଛି। ରୋଟାରୀ କ୍ଲବ ପୁରୀ ସାଗର ସୌଜନ୍ୟରେ ପ୍ରଦାନ କରାଯାଇଥିବା ଏହି ସାନିଟାଇଜର ମେସିନ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ବତୀ ଏହାକୁ ଭକ୍ତମାନଙ୍କ ନିମନ୍ତେ ଲୋକାର୍ପଣ କରିଛନ୍ତି। ଏହି ଅବସରରେ କ୍ଲବର ସଭାପତି ରୋଟାରିଆନ୍ ଯୁଧିଷ୍ଠିର ଲେଙ୍କା, ସମ୍ପାଦକ ହିମାଂଶୁ ମୋହନ ମହାନ୍ତି, ପୂର୍ବତନ ସଭାପତି ଅଶୋକ ପାତ୍ର, ହରିହର ଖୁଣ୍ଟିଆ, କୃଷ୍ଣଚନ୍ଦ୍ର ସାହୁ, ଚନ୍ଦନ ପାତ୍ର, ଶ୍ୟାମ କାହ୍ନା ପଟ୍ଟନାୟକ, ଶ୍ୟାମ ସୁନ୍ଦର ମହାପାତ୍ର ଏବଂ ନିୟତ ପ୍ରହରାଜ ପ୍ରମୁଖ ଉପସ୍ଥିତ ଥିଲେ। ସେହିପରି ଗୋବର୍ଦ୍ଧନ ପୀଠର ମୁଖପାତ୍ର ମନୋଜ କୁମାର ରଥ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ। ସୂଚନାଯୋଗ୍ୟ ଯେ ରୋଟାରୀ କ୍ଲବ ଅଫ୍ ପୁରୀ ସାଗର ପକ୍ଷରୁ କେତେକ ଅନୁଷ୍ଠାନକୁ ସାନିଟାଇଜର ମେସିନ ଦେବାପାଇଁ ଯୋଜନା କରାଯାଇଥିଲା। ତେବେ ଆଜି ପ୍ରାରମ୍ଭିକ ପର୍ଯ୍ୟାୟରେ ଶଙ୍କରାଚାର୍ଯ୍ୟଙ୍କ ଦ୍ବାରା ଏହି କାର୍ଯ୍ୟକୁ ଶୁଭାରମ୍ଭ କରାଯାଇଥିଲା।
