କେନ୍ଦ୍ରାପଡ଼ା– ଓଡିଆ ଚଳଚ୍ଚିତ୍ରର ସୁନାମ ଧନ୍ୟ କଳାକାର ଅଭିନେତା, ପାଶ୍ୱର୍ ନାୟକ, ଚରିତ୍ର ଅଭିନେତା ତଥା କେନ୍ଦ୍ରାପଡା ମାଟିର ପୁଅ ବିଜୟ ମହାନ୍ତିଙ୍କ ବିୟୋଗରେ ପୂର୍ବତନ ମନ୍ତ୍ରୀ ଗଣେଶ୍ୱର ବେହେରା ଶୋକ ପ୍ରକାଶ କରିଛନ୍ତି । ସ୍ୱର୍ଗତଃ ମହାନ୍ତି ଜଣେ ଅପ୍ରତିଦ୍ୱନ୍ଦୀ କଳାକାର ଭାବେ ଓଡିଆ ଚଳଚ୍ଚିତ୍ର ଓ ମଂଚ ପାଇଁ ଦକ୍ଷତା ପ୍ରଦର୍ଶନ କରି କାଳଜୟୀ ଅବିନେତା ଭାବେ ସମସ୍ତଙ୍କ ହୃଦୟରେ ରହିବେ । ଅନେକ କଳାକାର ଆସିବେ ଯିବେ ମାତ୍ର ବିଜୟଙ୍କ ସ୍ଥାନ କଳାଜଗତ ରେ ଅପୁରଣନୀୟ ହୋଇ ରହିବ ବୋଲି ଶ୍ରୀ ବେହେରା ଶୋକ ପ୍ରକାଶ କରିବା ସହ ତାଙ୍କ ପରିବାର ଓ ଶୁଭେତ୍ସୁ ମାନଙ୍କ ପ୍ରତି ଗଭୀର ସମବେଦନା ଜ୍ଞାପନ କରିଛନ୍ତି ।
