ଭୁବନେଶ୍ୱର – ଓଡିଶା ସାଂସ୍କୃତିକ ଜଗତର ଅନ୍ୟତମ ଅନୁଷ୍ଠାନ ଭାବେ ସ୍ୱୀକୃତ ପ୍ରଖ୍ୟାତ ମଂଚ ଓ ରୁପେଲି ପରଦାର ଅଗ୍ରଣୀ କଳାକାର ବିଜୟ ମହାନ୍ତିଙ୍କ ବିୟୋଗରେ ସି.ପି.ଆଇ.(ଏମ୍) ଓଡିଶା ରାଜ୍ୟ କମିଟି ପକ୍ଷରୁ ଗଭୀର ଶୋକ ପ୍ରକାଶ କରାଯାଇଛି । ସେ ଥିଲେ ଏକାଧାରରେ ଜଣେ ସଫଳ ଅଭିନେତା, ନିର୍ଦ୍ଦେଶକ ଓ ମଂଚ କଳାକାର । ନିଖୁଣ ଅଭିନୟ ଓ ନିଜସ୍ୱ ସ୍ୱତନ୍ତ୍ର ଅଭିନୟ ଶୈଳୀ ପାଇଁ ସେ ଓଡିଶାର ଘରେ ଘରେ ପରିଚିତ । ବିଜୟ ମହାନ୍ତିଙ୍କ ବିୟୋଗରେ ଓଡିଶା ସାଂସ୍କୃତିକ ଜଗତ ଏକ ବିଖ୍ୟାତ ପ୍ରତିଭାକୁ ହରାଇଲା ବୋଲି ସିପିଆଇଏମ୍ ରାଜ୍ୟ ସମ୍ପାଦକ ଅଳି କିଶୋର ପଟ୍ଟନାୟକ ଏକ ପ୍ରେସ୍ ବାର୍ତା ମାଧ୍ୟମରେ ସୂଚନା ଦେଇଛନ୍ତି ।
