ଭୁବନେଶ୍ୱର – କରୋନାକୁ ହରାଇଲେ ୯୫ ବର୍ଷ ବୃଦ୍ଧ । ଗଂଜାମ ଜିଲ୍ଲା ସୋରଡା ବ୍ଲକ୍ ସରାବାଡି ଚାକୁଣ୍ଡା ଗ୍ରାମର ଉଦୟନାଥ ବିଷୋଇ କରୋନାରୁ ସୁସ୍ଥ ହୋଇ ଫେରିଛନ୍ତି । ଗତ ୧୮ ତାରିଖରେ ଟାଟା ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ଅଭିନନ୍ଦନ ଜଣାଇଛନ୍ତି । ମୁଖ୍ୟମନ୍ତ୍ରୀ ଟୁଇଟ୍ କରି ଉଲ୍ଲେଖ କରିଛନ୍ତି ଯେ କୋଭିଡ୍ -୧୯ ବିରୋଧୀ ଯୁଦ୍ଧରେ ସଫଳତାର ସହ ଜିତିବା ପାଇଁ ଗଞ୍ଜାମ ଜିଲ୍ଲାର ଉଦୟନାଥ ବିଷୋଇଙ୍କୁ ଅଭିନନ୍ଦନ । ଆପଣଙ୍କର ବିଜୟ ଅନ୍ୟମାନଙ୍କୁ ଦୃଢ ରହିବାକୁ ପ୍ରେରଣା ଯୋଗାଇବ ।
