ଭଞ୍ଜନଗର, ଜୟକୃଷ୍ଣ ପଟ୍ଟନାୟକ
ଗତ କିଛି ଦିନ ଭଞ୍ଜନଗର ଅଞ୍ଚଳରେ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଥିବା ବେଳେ ଆଜି ପୁଣି ୨୩ଟି ପଜିଟିଭ କେଶ ସାମ୍ନାକୁ ଆସିଛି।ସେଥିମଧ୍ୟରୁ ୩ଜଣ ପୋଲିସ, ଜଣେ ଶିକ୍ଷକ, ଜଣେ ଅଙ୍ଗନବାଡି କର୍ମୀ ସମେତ ଭଞ୍ଜନଗର ଏନ.ଏ.ସିର ଜଗନ୍ନାଥ ବିହାର ରୁ ୩ଜଣ,ପାତ୍ର କଲୋନୀର ୨ଜଣ,ମାଲ ସାହି,ଭେଜିପୁଟ, କୋଳିସାହିର ଜଣେ ଲେଖାଏଁ ଏବଂ ବ୍ଲକ ର ଦୋ ମୁହାଣୀ, ଧନଞ୍ଜୟ ପୁର, ତୁଳସୀ ପଲ୍ଲୀ, ମୁଜାଗଡ଼, ବଡ଼ କୋଦଣ୍ଡା, କାଳିଆ ପଲ୍ଲୀ, ତିଳିସିଙ୍ଗି,ବଦାଙ୍ଗୀ,ଲାଲସିଙ୍ଗ ଓ ଅଗଝୋଳ ଗ୍ରାମରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି। ଭିଡକୁ ଦେଖି ବର୍ତ୍ତମାନ ସୁରକ୍ଷା ଦୃଷ୍ଟିରୁ ଡି.ଜିଙ୍କ ନିର୍ଦ୍ଦେଶରେ ସ୍ଥାନୀୟ କୋଭିଡ଼ କେୟାର ସେଣ୍ଟର କୁ ଆଜି ସମ୍ପୂର୍ଣ୍ଣ ସାନିଟାଇଜ କରାଯାଇଛି।
