ଭୁବନେଶ୍ୱର– କରୋନାରେ ପୀଡିତ ହୋଇଥିବା ୯୫ ଜଣ ପୋଲିସ୍ କର୍ମଚାରୀ ସୁସ୍ଥ ହୋଇଛନ୍ତି । ଏହି ଯୋଦ୍ଧାମାନେ କରୋନାକୁ ହରାଇ ସୁସ୍ଥ ହେବା ପରେ ସର୍ବସାଧାରଣଙ୍କ ସେବା ଲାଗି ବର୍ତମାନ କାର୍ଯ୍ୟରେ ଯୋଗ ଦେବେ ବୋଲି ପୋଲିସ୍ ମହାନିର୍ଦେଶକ ଶ୍ରୀ ଅଭୟ ଟୁଇଟ୍ କରି ସୂଚନା ଦେଇଛନ୍ତି ।
ଡିଜିପି ଟୁଇଟର୍ ରେ ଲେଖିଛନ୍ତି କି ୯୫ ଜଣ ପୋଲିସ୍ କରୋନାକୁ ହରାଇ ସୁସ୍ଥ ହେବା ପରେ ଏବେ ନିଜକୁ ଆଗ ଧାଡ଼ିର ସେବାରେ ନିଜକୁ ସାମିଲ୍ କରିବାକୁ ପ୍ରସ୍ତୁତ ହୋଇଛନ୍ତି । ସେମାନେ କରୋନାକୁ ହରାଇ ସାରିଛନ୍ତି । ଏବେ ଅନ୍ୟମାନଙ୍କୁ ସୁରକ୍ଷା ଦେବାକୁ ସେମାନେ ଆଗଧାଡ଼ିକୁ ଫେରୁଛନ୍ତି ।
ସେମାନଙ୍କର ସର୍ବସାଧାରଣ ସେବା ସକାଶେ ଉତ୍ସର୍ଗୀକୃତ ମନୋଭାବ ଓ କାର୍ଯ୍ୟ ପ୍ରତି ପ୍ରତିବଦ୍ଧତା ପାଇଁ ସେମାନଙ୍କୁ ସମ୍ମାନ ଜଣାଉଛି । ବାସ୍ତବ ଜୀବନର ଏହି ନାୟକମାନଙ୍କୁ ଜିଡିପିଙ୍କ ପକ୍ଷରୁ ସ୍ୱତନ୍ତ୍ରତା ଗ୍ରହଣୀୟତା ଜଣାଯାଉଛି ।
