ଗଞ୍ଜାମ– ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ପରିବା ମାର୍କେଟରେ ଥିବା ଏକ କୂଅ ଭିତରୁ ଜଣେ ବୃଦ୍ଧାଙ୍କ ଶବ ଉଦ୍ଧାର କରିଛି କବିସୂର୍ଯ୍ୟନଗର ପୋଲିସ ।
ସୂଚନା ମୁତାବକ, ଗତ ଶୁକ୍ରବାର ଦିନ ଠାରୁ ବୃଦ୍ଧା ମହିଳା ମାଳତୀ ମାଝୀ (୮୫) କୁଆଡେ ଚାଲିଯାଇଥିଲ । ଯାହା ଫଳରେ ତାଙ୍କର ନାତି ସଞ୍ଜୟ ମାଝୀ ଏ ନେଇ କବିସୂର୍ଯ୍ୟନଗର ଥାନା ଅଧିକାରୀଙ୍କୁ ଫୋନ୍ ମାଧ୍ୟମରେ ଜଣାଇଥିଲେ । ସେ ଦୀର୍ଘ କୋଡିଏ ବର୍ଷ ହେଲା ନିଜ ଝିଅ ଘର ମାଳି ସାହିରେ ରହି ଆସୁଥିଲେ । ପରିବାର ଲୋକଙ୍କ କହିବା ଅନୁଯାୟୀ, ସେ ପ୍ରତିଦିନ ଭୋରରୁ ଉଠି ଫୁଲ ତୋଳିବା ପାଇଁ ଯାଆନ୍ତି । ଅନୁରୂପ ଭାବେ ଶୁକ୍ରବାର ଦିନ ଭୋରରୁ ଯାଇଥିଲେ ମଧ୍ୟ ସେ ଆଉ ଘରକୁ ଫେରିନଥିଲେ । ଆଜି ସକାଳୁ କବିସୂର୍ଯ୍ୟନଗର ଥାନା ଅଧିକାରୀ ପ୍ରଭାତ କୁମାର ସାହୁ ଖବର ପାଇ ସଦଳବଳେ ଘଟଣାସ୍ଥଳରେ ପହଂଚି କୂଅ ମଧ୍ୟରୁ ବୃଦ୍ଧାଙ୍କ ଶବ ଉଦ୍ଧାର କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡମେଡିକାଲକୁ ପଠାଇ ଘଟଣାର ତଦନ୍ତ କରୁଥିବା ସୂଚନା ମିଳିଛି ।
