ନୂଆପଡା– ନୂଆପଡା ଜିଲ୍ଲା ଖଡିଆଳ ବିଜ୍ଞାପିତ ଅଂଚଳ ପରିଷଦ ଅନ୍ତର୍ଗତ ସାପ୍ତାହିକ ବଜାରକୁ ସଂଲଗ୍ନ ଡ୍ରେନ ଅବସ୍ଥା ଶୋଚନୀୟ ହୋଇ ପଡିଛି । ଫଳରେ ସାପ୍ତାହିକ ବଜାର ଅଂଚଳ ଦୁର୍ଗନ୍ଧରେ ଫାଟି ପଡୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ମାସ ମାସ ଧରି ଡ୍ରେନ ସଫା ହେଉନଥିବାରୁ ଡ୍ରେନର ଦୁର୍ଗନ୍ଧ ପାଣି ଓ ଅଲିଆ ଆବର୍ଜନା ପଚିସଢି ଦୁର୍ଗନ୍ଧ ହେଉଅଛି । ଏହି ସାପ୍ତାହିକ ବଜାର ଖଡିଆଳ ବିଜ୍ଞାପିତ ଅଞ୍ଚଳର ୧୨ନଂ ୱାର୍ଡରେ ଥିବା ବେଳେ ଏନଏସି କତୃପକ୍ଷ ମଧ୍ୟ ଚୁପ ହୋଇ ରହିଯାଉଥିବାରୁ ଏପରି ଦୟନୀୟ ପରିସ୍ଥିତ ସୃଷ୍ଟି ହେଉଥିବା ଅଭିଯୋଗ ହେଉଛି । ଫଳରେ ସାଧାରଣ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଉଚ୍ଚ କତୃପକ୍ଷ ତୁରନ୍ତ ଦୃଷ୍ଟି ଦେଇ ସମସ୍ୟାର ସମାଧାନ କରିବାକୁ ସାଧାରଣରେ ଦାବୀ ହେଉଛି ।
