ଭୁବନେଶ୍ୱର– ୧ ଲକ୍ଷ କରୋନା ଟେଷ୍ଟ କରିଥିବାରୁ ଆରଏମଆରସି ଭୁବନେଶ୍ୱରକୁ ଟୁଇଟ୍ କରି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରୋନା ପରୀକ୍ଷା କ୍ଷେତ୍ରରେ ଭାରତର ଶ୍ରେଷ୍ଠ ୩ ଟି ଲ୍ୟାବ୍ ମଧ୍ୟରେ ଭୁବନେଶ୍ୱର ରିଜନାଲ ମେଡିକାଲ ରିସର୍ଚ୍ଚ ସେଂଟର (ଆରଏମଆରସି) ସ୍ଥାନ ପାଇଛି ବୋଲି ମୁଖ୍ୟମନ୍ତ୍ରୀ ତାଙ୍କ ଟୁଇଟ୍ ରେ ଉଲ୍ଲେଖ କରିଛନ୍ତି ।
ସୂଚନାଯୋଗ୍ୟ ଯେ ଭୁବନେଶ୍ୱରର ଏହି ଲାବ୍ ରେ ଜୁଲାଇ ୪ ତାରିଖ ସୁଦ୍ଧା ୧,୦୧,୪୯୬ ଟି ନମୂନା ପରୀକ୍ଷଣ କରାଯାଇଛି । ଏହି ନମୂନା ଗୁଡିକ ମଧ୍ୟରୁ ଗତ ସାଢେ ୩ ମାସ ମଧ୍ୟରେ ୨,୩୬୦ଟି ପଜିଟିଭ୍ ଚିହ୍ନଟ ହୋଇଛି । ସମ୍ପୃକ୍ତ ଲାବ୍ ରେ ମାର୍ଚ୍ଚ ୩୧ ସୁଦ୍ଧା ୫୧୨ ଟି ନମୂନା ପରୀକ୍ଷା ହୋଇଥିବା ବେଳେ ଏପ୍ରିଲ ୩୦ ବେଳକୁ ୨୦୧୪୯, ମଇ ୩୧ ବେଳକୁ ୬୨୬୦୯ ଓ ଜୁନ୍ ୩୦ ବେଳକୁ ୯୫୨୪୪ ନମୂନା ପରୀକ୍ଷଣ ହୋଇଥିଲା ।
