ସାକ୍ଷିଗୋପାଳ– ପୁରୀ ଜିଲ୍ଲା ସତ୍ୟବାଦୀ ବ୍ଲକ୍ ଅଂଚଳରେ ପୋଲିସର ରାତ୍ରକାଳୀନ ପେଟ୍ରୋଲିଂ ବ୍ୟବସ୍ଥାକୁ ସେତେଟା କଡ଼ାକଡ଼ି କରାଯାଉନଥିବାରୁ ଥାନା ଆଖପାଖ ଗ୍ରାମ ଗୁଡିକରେ ଅସାମାଜିକ ତତ୍ୱଙ୍କ ପାର୍ଦୁଭାବ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ବିଶେଷ କରି ବଜାର ଏରିଆ, ଜୟପୁର, କାଞ୍ଜିଆ, ହୋତାସାହି, ମଠ ସାହି, ମହାମାୟା ସାହି, ଷ୍ଟେସନ ସାଇଡ୍, ପଚଂସଖା, ବକୁଳବନ ଅଂଚଳ, ବୀର ରାମଚନ୍ଦ୍ରପୁର, ଶ୍ରୀରାମଚନ୍ଦ୍ରପୁର, ସୁଆର ସାହି, ପଟ୍ଟନାୟିକିଆ ଛକ ଆଦି ଅଂଚଳର ବିଭିନ୍ନ ସ୍ଥାନରେ ରହିଥିବା ପିଣ୍ଡି ଓ ଅନ୍ୟାନ୍ୟ ଜନଶୂନ୍ୟ ସ୍ଥାନ ମାନଙ୍କରେ ବିଳମ୍ବିତ ରାତି ପର୍ଯ୍ୟନ୍ତ ମଦ୍ୟପାନ ସାଙ୍ଗକୁ ଗଞ୍ଜେଇ ମାଡ ଚାଲୁଛି । ଏପରିକି ସେହିଠାରେ ହିଁ ବିଭିନ୍ନ ଅପରାଧ ସଂଗଠିତ କରିବା ପାଇଁ ଅପରାଧି ମାନେ ବ୍ଲୁ ପ୍ରିଂଟ ପ୍ରସ୍ତୁତ କରୁଛନ୍ତି । ଏପରି ସ୍ଥିତିରେ ସ୍ଥାନୀୟ ପୋଲିସ ରାତ୍ରକାଳୀନ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିବାକୁ ସାଧାରଣରେ ଦାବି ହେଉଛି ।
