ପିପିଲି– ପୁରୀ ଜିଲ୍ଲା ପିପିଲି ବ୍ଲକ୍ ଅଂଚଳରେ ପୋଲିସର ପେଟ୍ରୋଲିଂ ବ୍ୟବସ୍ଥା ରାତିରେ ଏକ ପ୍ରକାର ଠପ୍ ହୋଇଯାଇଛି । ଫଳରେ ଦାଣ୍ଡମୁକୁନ୍ଦପୁର, ମଙ୍ଗଳପୁର, ସାତଶଙ୍ଖ ଅଂଚଳରେ ଅସାମାଜିକ ତତ୍ୱଙ୍କ ପାର୍ଦୁଭାବ ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ବଜାର ଏରିଆ ଅପେକ୍ଷା ଗାଁ ପିଣ୍ଡି, କ୍ଲବ୍ ଘରେ ଓ ଅନ୍ୟାନ୍ୟ ଜନଶୂନ୍ୟ ସ୍ଥାନରେ ବିଳମ୍ବିତ ରାତି ପର୍ଯ୍ୟନ୍ତ ମଦ୍ୟପାନ ସାଙ୍ଗକୁ ଗଞ୍ଜେଇ ଆଡ୍ଡା ଜମୁଛି । ବିଶେଷ କରି ଅଧିକ ଅସୁରକ୍ଷିତ ହୋଇପଡିଛି ସାତଶଙ୍ଖ ଅଂଚଳ । ସାତଶଙ୍ଖ ମଦ କାଉଂଟର ଏରିଆ, ଉତରାୟଣୀ ସାହି ବ୍ରିଜ୍, ବୀରପୁରୁଷୋତମପୁର ଷ୍ଟେସନ୍ ରୋଡ୍, ବୀରପୁରୁଷୋତମପୁର ଗ୍ରାମ, କୁମାରେଶ୍ୱର, ନୂଆହାଟ ଏସବୁ ଅଂଚଳରେ ପିପିଲି ପୋଲିସ ପକ୍ଷରୁ ରାତ୍ରୀ ପେଟ୍ରୋଲିଂକୁ କଡ଼ାକଡ଼ି କରାଯିବାକୁ ଦାବି ହେଉଛି ।
