ନୂଆଦିଲ୍ଲୀ– କରୋନା ଭାଇରସ କାରଣରୁ ବିଶ୍ୱବ୍ୟାପୀ ରବିବାର ସକାଳ ସାଢ଼େ ୬ଟା ସୁଦ୍ଧା କୋଟିଏ ୭୫ ହଜାର ୧୧୫ ଜଣ ଲୋକ ସଂକ୍ରମିତ ହୋଇଥିବା ବେଳେ ୫ ଲକ୍ଷ ୨୨୬ ଜଣଙ୍କର ମୃତ୍ୟୁ ହୋଇଛି । କରୋନା ଭାଇରସରେ ସଂକ୍ରମିତ ୫୪ ଲକ୍ଷ ୫୩ ହଜାର ୨୪୭ ଜଣ ଲୋକ ସୁସ୍ଥ ହୋଇଥିବା ବେଳେ ୪୧ ଲକ୍ଷ ୨୧ ହଜାର ୨୪୨ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏଥିରୁ ୫୭ ହଜାର ୭୪୮ ଜଣଙ୍କ ଅବସ୍ଥା ଗୁରୁତର ରହିଛି ।
ଚୀନର ଉହାନ ସହରରୁ ବ୍ୟାପିଥିବା ମାରାତ୍ମକ କରୋନା ଭାଇରସ ଆମେରିକୀୟଙ୍କୁ ଅଧିକ ଯନ୍ତ୍ରଣା ଦେଇଛି । ଯୁକ୍ତରାଷ୍ଟ୍ର ଆମେରିକାରେ ୨୫ ଲକ୍ଷ ୯୬ ହଜାର ୫୩୭ ଜଣ ସଂକ୍ରମିତ ହୋଇଥିବା ବେଳେ ୧ ଲକ୍ଷ ୨୮ ହଜାର ୧୫୨ ଜଣଙ୍କର ମୃତ୍ୟୁ ହୋଇଛି । ଅପରପକ୍ଷେ ୧୦ ଲକ୍ଷ ୮୦ ହଜାର ୧୩୬ ଜଣ ସୁସ୍ଥ ହୋଇଥିବା ବେଳେ ୧୩ ଲକ୍ଷ ୮୮ ହଜାର ୨୪୯ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ତେବେ ଯୁକ୍ତରାଷ୍ଟ୍ର ଆମେରିକାରେ ୧୫ ହଜାର ୮୧୬ ଜଣ ଗୁରୁତର ଥିବା ଜଣାଯାଇଛି ।
