ସେହିଭଳି ବ୍ରାଜିଲରେ ଗୋଟିଏ ମାସ ମଧ୍ୟରେ ମୃତ୍ୟୁ ସଂଖ୍ୟା ବଢ଼ିଛି । ଏଠାରେ ବିଗତ ଏକ ମାସ ମଧ୍ୟରେ ୩୧ ହଜାର ୧୦୭ ଜଣଙ୍କର ମୃତ୍ୟୁ ହୋଇଛି । ଅର୍ଥାତ ବ୍ରାଜିଲରେ ଦୈନିକ ହାରାହାରି ୧ ହଜାର ୩ ଜଣଙ୍କର ମୃତ୍ୟୁ ହୋଇଛି । ବ୍ରାଜିଲରେ ଗତ ମାସ ୨୦ ତାରିଖ ଯାଏଁ କରୋନା ଭାଇରସ ଯୋଗୁଁ ୨ ଲକ୍ଷ ୭୧ ହଜାର ୮୮୫ ଜଣ ଲୋକ ସଂକ୍ରମିତ ହୋଇଥିଲେ । ୧୭ ହଜାର ୯୮୩ ଜଣ ଲୋକଙ୍କର ମୃତ୍ୟୁ ହୋଇଥିଲା ।
ସୂଚନାଯୋଗ୍ୟ, କରୋନା ଭାଇରସ ସମଗ୍ର ବିଶ୍ୱବାସୀଙ୍କୁ କନ୍ଦାଉଛି । ଶନିବାର ସକାଳ ସାଢ଼େ ୬ଟା ସୁଦ୍ଧା ବିଶ୍ୱରେ ୮୭ ଲକ୍ଷ ୫୦ ହଜାର ୮୮୨ ଜଣ ସଂକ୍ରମିତ ହୋଇଥିବା ବେଳେ ୪ ଲକ୍ଷ ୬୧ ହଜାର ୮୧୮ ଜଣଙ୍କର ମୃତ୍ୟୁ ହୋଇଛି । ଏଥିରୁ ୪୬ ଲକ୍ଷ ୨୦ ହଜାର ୩୭୮ ଜଣ ସୁସ୍ଥ ହୋଇଥିବା ବେଳେ ୩୬ ଲକ୍ଷ ୬୮ ହଜାର ୬୮୬ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ତେବେ ୫୪ ହଜାର ୭୯୧ ଜଣ ରୋଗୀ ଗୁରୁତର ଥିବା ଜଣାଯାଇଛି ।
