ଗଂଜାମ ଜିଲ୍ଲାରୁ ଗୋଟିଏ ଦିନରେ ସବୁଠାରୁ ଅଧିକ ୫୭ ନୂଆ ମାମଲା 

ଭୁବନେଶ୍ୱର-ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ଲଗାତାର ଭାବେ ବଢି ଚାଲିଛି । ବର୍ତମାନ ଏହି ସଂଖ୍ୟା ୪୮୫୬ ହୋଇଥିବା ବେଳେ ଗଂଜାମ ଜିଲ୍ଲାରେ ଆଜି ୫୭ଟି ନୂଆ ମାମଲା ସାମନାକୁ ଆସିବା ପରେ ଜିଲ୍ଲାରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ଆଜି ୮୫୩ ରେ ପହଂଚିଛି ।

ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଦିଆ ଯାଇଥିବା ସୂଚନା ଅନୁସାରେ ଖୋର୍ଧା ଜିଲ୍ଲାରେ ୪୩୯ ଜଣ , କଟକ ଜିଲ୍ଲାରେ ୩୮୧ ଜଣ, ଯାଜପୁର ଜିଲ୍ଲାରେ ୩୬୧ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି ବାଲେଶ୍ୱର ଜିଲ୍ଲୀରେ ୨୭୭ ପୁରୀ ଜିଲ୍ଲାରେ ୨୧୧, କେନ୍ଦ୍ରାପଡା ଜିଲ୍ଲାରେ ୧୯୮, ଗଜପତି ଜିଲ୍ଲାରେ ୧୯୧, ଭଦ୍ରକ ଜିଲ୍ଲାରେ ୧୮୫ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ପଶ୍ଚିମବଙ୍ଗର ଅମ୍ଫାନ ଡ୍ୟୁଟିରୁ ଫେରିଥିବା ଏନଡିଆରଏଫ, ଓଡ୍ରାଫ ଓ ଅଗ୍ନିଶମ ବାହିନୀର ୨୨୪ ଜଣ କରୋନାରେ ଆକ୍ରାନ୍ତ ହୋଇଛନ୍ତି ।

ଜଗତସିଂହପୁର ଜିଲ୍ଲାରେ ୧୭୯ , ବଲାଙ୍ଗୀର ଜିଲ୍ଲାରେ ୧୫୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କନ୍ଧମାଳ ଜିଲ୍ଲାରେ ୧୪୭ ଜଣ, ସୁନ୍ଦରଗଡ ଜିଲ୍ଲାରେ ୧୪୬ , ମୟୁରଭଂଜ ଜିିଲ୍ଲାରେ ୧୩୯ ଜଣ ଓ ନୟାଗଡ ଜିଲ୍ଲାରେ ୧୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

ବିଭାଗ ପକ୍ଷରୁ କୁହା ଯାଇଛି ଯେ କେନ୍ଦୁଝର ଜିଲ୍ଲାରେ ୯୮, ନୂଆପଡା ଜିଲ୍ଲାରେ ୭୯ , କଳାହାଣ୍ଡି ଜିଲ୍ଲାରେ ୬୪, ଅନୁଗୁଳ ଜିଲ୍ଲାରେ ୫୫ ଢେଙ୍କାନାଳ ଜିଲ୍ଲାରେ ୫୨, ବରଗଡ ଜିଲ୍ଲାରେ ୫୨. ମାଲକାନଗିରି ଜିଲ୍ଲାରେ ୫୧ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି. ଦେବଗଡ ଜିଲ୍ଲାରେ ୪୧, ତଥା ବୌଦ୍ଧ ଜିଲ୍ଲାରେ ୪୦ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

 ସୋନପୁର ଜିଲ୍ଲାରେ ୩୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସମ୍ବଲପୁର ଜିଲ୍ଲାରେ ୨୪ ଓ କୋରାପୁଟ ଜିଲ୍ଲାରେ ୨୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଝାରସୁଗୁଡା ଜିଲ୍ଲାରେ ୨୧ , ରାୟଗଡା ଜିଲ୍ଲାରେ ୧୭ ଓ ନବରଙ୍ଗପୁର ଜିଲ୍ଲାରେ ୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆ ଯାଇଛି ।