କନ୍ଧମାଳ– କନ୍ଧମାଳ ଜିଲ୍ଲାରେ ଆଜି ତିନି ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୧୪୭କୁ ବୃଦ୍ଧି ପାଇଛି । ଗତକାଲି ସୁଦ୍ଧା ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା ୧୪୪ ଥିଲା ।
ନୂଆ ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ କ୍ୱାରେଂଟାଇନ ସେଂଟରର । ରିପୋର୍ଟ ପଜିଟିଭ୍ ଆସିବା ପରେ ସମସ୍ତଙ୍କୁ କୋଭିଡ଼୍ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ତେବେ ସମ୍ପୃକ୍ତ ତିନି ଆକ୍ରାନ୍ତଙ୍କର କେଉଁ ରାଜ୍ୟ ଲିଙ୍କ୍ ରହିଛି ସେନେଇ ଅଦ୍ୟାବଧି ସ୍ପଷ୍ଟ ସୂଚନା ମିଳିପାରିନାହିଁ ।
ଇତିମଧ୍ୟରେ ୫୦ ଜଣ ଆକ୍ରାନ୍ତ ସୁସ୍ଥ ହୋଇ କୋଭିଡ଼ ୍ ହସ୍ପିଟାଲରୁ ଘରକୁ ଫେରିଛନ୍ତି । ଜିଲ୍ଲାରେ ୯୭ ଟି ସକ୍ରିୟ ମାମଲା ରହିଛି । ହେଲେ ଅଧିକାଂଶ ସଂକ୍ରମିତ କ୍ୱାରେଂଟାଇନ ସେଂଟରର ରହିଥିବାରୁ ଜନସାଧାରଣ ଏଥିରେ ଭୟଭିତ ନହୋଇ ଘରୁ କୌଣସି ଜରୁରୀ କାମରେ ବାହାରକୁ ବାହାରିବା ବେଳେ ମୁହଁରେ ମାସ୍କ ପିନ୍ଧିବା ଓ ସାମାଜିକ ଦୂରତ୍ୱ ବଜାୟ ରଖିବାକୁ ଜିଲ୍ଲାପାଳ ଡଃ. ବୃନ୍ଦା ଡି ପରାମର୍ଶ ଦେଇଛନ୍ତି ।
