ନୂଆଦିଲ୍ଲୀ– କରୋନା କାରଣରୁ ସମଗ୍ର ବିଶ୍ୱରେ ୪ ଲକ୍ଷ ୪୫ ହଜାର ୯୩୭ ଜଣଙ୍କର ମୃତ୍ୟୁ ହୋଇଛି । ଏହି ମାରାତ୍ମକ ଭାଇରସ ଯୋଗୁଁ ବୁଧବାର ସକାଳ ସାଢ଼େ ୬ଟା ଯାଏଁ ୮୨ ଲକ୍ଷ ୫୬ ହଜାର ୨୫୭ ଜଣ ସଂକ୍ରମିତ ହୋଇଛନ୍ତି । ମୋଟ ୪୩ ଲକ୍ଷ ୬ ହଜାର ୮୯ ଜଣ ସୁସ୍ଥ ହୋଇଥିବା ବେଳେ ୩୫ ଲକ୍ଷ ୪ ହଜାର ୨୩୧ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ସକ୍ରିୟ ଆକ୍ରାନ୍ତଙ୍କ ମଧ୍ୟରୁ ୫୪ ହଜାର ୫୯୩ ଜଣ ରୋଗୀ ଗୁରୁତର ଅଛନ୍ତି ।
ଯୁକ୍ତରାଷ୍ଟ୍ର ଆମେରିକାରେ କରୋନା ଭାଇରସ ଅଧିକ ସକ୍ରିୟ ରହିଛି । ଏଠାରେ ୨୨ ଲକ୍ଷ ୮ ହଜାର ୪୦୦ ଜଣ ଆକ୍ରନ୍ତ ହୋଇଛନ୍ତି । ଏଥିରୁ ୧ ଲକ୍ଷ ୧୯ ହଜାର ୧୩୨ ଜଣଙ୍କର ମୃତ୍ୟୁ ହୋଇଛି । ମୋଟ ୯ ଲକ୍ଷ ୩ ହଜାର ୪୧ ଜଣ ସୁସ୍ଥ ହୋଇଥିବା ବେଳେ ୪ ଲକ୍ଷ ୧୮ ହଜାର ୬୦୪ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏଥିରୁ ୧୬ ହଜାର ୬୯୫ ଜଣ ଗୁରୁତର ଅଛନ୍ତି । କରୋନା ଭାଇରସ ବ୍ରାଜିଲ ଓ ଋଷିଆରେ ମଧ୍ୟ ନିଜର କାୟା ବିସ୍ତାର କରିଛି ।
