ନୂଆଦିଲ୍ଲୀ, ମହାମାରୀ କରୋନା କାରଣରୁ ସମଗ୍ର ବିଶ୍ୱରେ ମଙ୍ଗଳବାର ସକାଳ ସାଢ଼େ ୬ଟା ସୁଦ୍ଧା ମୃତ୍ୟୁ ସଂଖ୍ୟା ୪ ଲକ୍ଷ ୩୯ ହଜାର ୫୦ରେ ପହଞ୍ଚିଛି । ଏଥି ସହିତ ସଂକ୍ରମିତ ସଂଖ୍ୟା ୮୧ ଲକ୍ଷ ୧୨ ହଜାର ୫୬୫ ହୋଇଛି । ଏଥିରୁ ୪୨ ଲକ୍ଷ ୧ ହଜାର ୯୭୪ ଜଣ ସୁସ୍ଥ ହୋଇଥିବା ବେଳେ ୩୪ ଲକ୍ଷ ୭୧ ହଜାର ୫୪୧ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ତେବେ ସକ୍ରିୟ ଆକ୍ରାନ୍ତଙ୍କ ମଧ୍ୟରୁ ଗୁରୁତର ଅଛନ୍ତି ୫୪ ହଜାର ୫୭୦ ଜଣ ରୋଗୀ ।
ଯୁକ୍ତରାଷ୍ଟ୍ର ଆମେରିକାରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟା ୨୧ ଲକ୍ଷ ୮୨ ହଜାର ୯୫୦ ଜଣ । ଏଥିରୁ ୧ ଲକ୍ଷ ୧୮ ହଜାର ୨୮୩ ଜଣଙ୍କର ମୃତ୍ୟୁ ହୋଇଛି । ସୁସ୍ଥ ହୋଇଥିବା ରୋଗୀଙ୍କର ସଂଖ୍ୟା ହେଉଛି ୮ ଲକ୍ଷ ୮୯ ହଜାର ୮୬୬ ଜଣ । ଏବେ ୧୧ ଲକ୍ଷ ୭୪ ହଜାର ୮୦୧ ଜଣ ସକ୍ରିୟ ଆକ୍ରାନ୍ତ ଥିବା ବେଳେ ୧୬ ହଜାର ୭୧୬ ଜଣ ଗୁରୁତର ଅଛନ୍ତି । ଆମେରିକା ପରେ ବ୍ରାଜିଲରେ କରୋନା ଭାଇରସ ତାଣ୍ଡବ ରଚିଛି ।
