![](https://indokalingtimes.com/wp-content/uploads/2019/09/IKT-logo-2.jpg)
-
ଋାଜ୍ୟରେ ସୁସ୍ଥ ସଂଖ୍ୟା ବଢି ୨୫୯୪ ହେଲା
ଭୁବନେଶ୍ୱର – ଆଜି ରାଜ୍ୟରେ ଆଉ ି ୧୨୦ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ସେମାନଙ୍କର ରିପୋର୍ଟ ନେଗେଟିଭ ଆସିବା ପରେ ସେମାନଙ୍କୁ ଡିସଚାର୍ଜ କରା ଯାଉଛି । ଏମାନଙ୍କୁ ମିଶାଉ ରାଜ୍ୟରେ ବର୍ତମାନ ଯାଏ ମୋଟ ୨୫୯୪ ଜଣ ସୁସ୍ଥ ହେଲେଣି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଦ୍ୱାରା ଟ୍ୱିଟ କରି ଏହି ସୂଚନା ଦିଆ ଯାଇଛି ।
ବିଭାଗ ପକ୍ଷରୁ ଦିଆ ଯାଇଥିବା ସୂଚନା ଅନୁସାରେ ଆଜି ସୁସ୍ଥ ହୋଇଥିବା ୧୨୦ ଜଣଙ୍କ ମଧ୍ୟରେ ଗଞ୍ଜାମରୁ ୩୩ ଜଣ, ଗଜପତିରୁ ୧୮ ଜଣ, ସୋନପୁରରୁ ୧୩ ଜଣ, ବାଲେଶ୍ୱରରୁ ୧୨ ଜଣ, ମୟୁରଭଞ୍ଜରୁ ୭ଜଣ, କଟକରୁ ୪ଜଣ ସୁସ୍ଥ ହୋଇଥିବା ବେଳେ ବଲାଙ୍ଗୀର ଏବଂ ଖୋର୍ଦ୍ଧାରୁ ୮ଜଣ ଲେଖାଏଁ କରୋନା ରୋଗୀ ସୁସ୍ଥ ହୋଇଛନ୍ତି ।
ସେହିପରି ଯାଜପୁର, ନୟାଗଡ଼ ଏବଂ ନୂଆପଡାରୁ ୩ଜଣ ଲେଖାଏଁ ସୁସ୍ଥ ହୋଇଥିବା ବେଳେ ଢେଙ୍କାନାଳ, ପୁରୀ ଏବଂ ରାୟଗଡାରୁ ୨ଜଣ ଲେଖାଏଁ ଏବଂ କେନ୍ଦ୍ରାପଡା ଏବଂ କଳାହାଣ୍ଡିରୁ ଜଣେ ଲେଖାଏଁ ସୁସ୍ଥ ହୋଇଛନ୍ତି ।