ନୂଆପଡ଼ା– ନୂଆପଡ଼ା ଜିଲ୍ଲା ଖଡ଼ିଆଳ ବ୍ଲକ୍ ଟୁକଲା ଗ୍ରାମର ଜଣେ ଗର୍ଭବତୀ ମହିଳା ପୋଖରୀରେ ବୁଡ଼ି ପ୍ରାଣ ହରାଇଛନ୍ତି ।
ସୂଚନା ଅନୁଯାୟୀ, ଟୁକଲା ଗ୍ରାମର ମାଉସୀମନ୍ଦିର ପଡ଼ାର ମାଧବ ଗହିରଙ୍କ ପତ୍ନୀ ଗୋମତୀ ଗହିର (୩୦) ଆଜି ପୂର୍ବାହ୍ନ ୧୦ଟା ସମୟରେ ଗାଁ ପୋଖରୀକୁ ଗାଧୋଇବାକୁ ଯାଇଥିଲେ । ଏହି ସମୟରେ ଗଭୀର ଜଳରାଶି ମଧ୍ୟକୁ ତାଙ୍କ ଗୋଡ଼ ଖସିଯିବା ଫଳରେ ସେ ପାଣିରେ ବୁଡ଼ି ଯାଇଥିଲେ । ଖବର ପାଇ ପଡ଼ାବାସୀ ତାଙ୍କୁ ଉଦ୍ଧାର କରିଥିଲେ । ହେଲେ ସେତେବେଳକୁ ତାଙ୍କର ମୃତ୍ୟୁ ଘଟି ସାରିଥିଲା । ଟୁକଲା ଫାଣ୍ଡି ପୋଲିସ ଘଟଣାସ୍ଥଳରେ ପହଂଚି ମୃତ ମହିଳାଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଥିବା ଜଣାପଡିଛି ।
