ଛତ୍ରପୁର ଏସଡ଼ିପିଓ ଓ ଥାନା ଅଧିକାରୀ କରୋନା ଆକ୍ରାନ୍ତ 

ଗଞ୍ଜାମ– ଗଞ୍ଜାମ ଜିଲ୍ଲାରେ ପୁଣି ଦୁଇ ଜଣ କରୋନା ଯୋଦ୍ଧା ପଜିଟିଭ୍ ଚିହ୍ନଟ ହୋଇଛନ୍ତି । ସମ୍ପୃକ୍ତ ଦୁଇ ଜଣଙ୍କ ମଧ୍ୟରେ ରହିଛନ୍ତି ଛତ୍ରପୁର ଏସଡ଼ିପିଓ ଓ ଥାନା ଅଧିକାରୀ । ଆଜି ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଗଞ୍ଜାମ ଏସପି ବ୍ରିଜେଶ କୁମାର ରାୟ । ଏଥିସହ ସେ ଉଭୟ ଅଧିକାରୀଙ୍କ ଶୀଘ୍ର ଆରୋଗ୍ୟ କାମନା ମଧ୍ୟ କରିଛନ୍ତି । ନମୂନା ରିପୋର୍ଟ ପଜିଟିଭ୍ ଆସିବା ପରେ ସମ୍ପୃକ୍ତ ଦୁଇ ଅଧିକାରୀଙ୍କୁ ଚିକିତ୍ସା ନିମନ୍ତେ କୋଭିଡ଼୍ ହସ୍ପିଟାଲକୁ ପଠାଯାଇଛି ।