ବ୍ରହ୍ମପୁର: ବିଜେପି ଗେଟ୍ ବଜାର ମଣ୍ଡଳ ତରଫରୁ ସଫେଇ କର୍ମଚାରୀମାନଙ୍କୁ ସମ୍ମାନୀତ କରାଯାଇଛି । ଗେଟ୍ ବଜାର ନିକଟସ୍ଥ କେନାଲ ସାହି ହନୁମାନ ମନ୍ଦିର ନିକଟରେ ମଣ୍ଡଳ ସଭାପତି ଓ ମହିଳା ମୋର୍ଚ୍ଚା ଜିଲ୍ଲା ସାଧାରଣ ସମ୍ପାଦିକାଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ବରିଷ୍ଠ ନେତା କାହ୍ନୁଚରଣ ପତି ଯୋଗଦେଇ କରୋନା ମହାମାରୀ ସମୟରେ ନିଜ କର୍ତ୍ତବ୍ୟରେ ଅଟଳ ରହି ସେବା ପ୍ରଦାନ କରୁଥିବା ସଫେଇ କର୍ମଚାରୀମାନଙ୍କୁ ସାଧୁବାଦ ଜଣାଇବା ସହ ସମ୍ମାନୀତ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲାର ପ୍ରଭାତ କିରଣ ଷଢ଼ଙ୍ଗୀ, ସୁନୀଲ କୁମାର ସାହୁ, ମଦନ ମୋହନ ପାତ୍ର ପ୍ରମୁଖ ଯୋଗ ଦେଇଥିଲେ । ସାମାଜିକ ଦୂରତା ବଜାୟ ରଖି କାର୍ଯ୍ୟକ୍ରମ ପରିଚାଳନା କରାଯାଇଥିଲା ।
